花見日本料理 (Moved) New Location

依排工作忙，所以想食餐好既獎勵自己，朋友話想食D日本野，咁我就諗不如豪一餐。上openrice搵下銅羅灣既日本野，其實都有好多間都有好多好評，其中一間就係花見。於是就諗住食依家。因為諗住我地都係早食(六點左右)，所以就無打電話去book，結果果然我地係第一堆入場既客，哈哈。 因為肚餓既關係，我地就叫左個玉子燒。之後就….. 燈燈燈燈，壽司黎啦，三文魚壽司好味，朋友話味道係日本先食到，之後拖羅我就覺得一般，性價比唔係咁好。不過，火灼三文魚就好好味，真係燒到岩岩好，值得推介，所以我地之後又encore多左一次。因為唔夠飽，我地叫左個壽喜燒鍋同埋魚生飯。壽喜燒就一般，魚生飯尚可。雖然價錢屬中上，但味道係值回票價。