新寧餐廳

Open Now

Now Closed

早兩星期突然想起了這間餐廳、今天沒有攪攪陣的銅鑼湾一片寧靜、正好上來懷舊吓…… 搬左咁多次而家坐落响利舞台廣場都未嚟過、一入到嚟見唔到熟口面的那個部長、的確少了份親切感、坐低望望餐牌、食開的田螺餐雖然加左價很多、但仍然抵食的……点了杯紅酒、入口還可以、餐前麵包轉了餐包、惜日特别的蒜蓉包則欠奉、餐湯我當然要改飲經典的金必多湯、入口感覺跟以前一樣、好味！ 反而那碟半打田螺就唔多似樣、完全冇蒜蓉及牛油的香味！主食是周末先有的燒牛肉、可能我早叫、有少少似開頭的cutting、令到我件牛肉有少少過熟、及邊位的奄料過剩而咸左、略為遜色！整體的環境、服務、及食物都尚可、以咁平民的價錢能夠嘗到扒房的享受、仲想点？