Chumchummi (Closed)

第一次係葵興放工，諗住同同事食埋晚飯先番屋企，見到KCC商場去行去揾下有咩食，同事見到呢間韓國菜就話要食。一坐低店員就遞上前菜，有正宗辣泡菜，甜甜地爽口蓮藕，咸香脆口魚乾仔，清甜翠肉瓜，仲有鐵板粟米拉絲芝士。醬油蟹套餐醬油蟹蟹身飽滿，味道鮮甜，無腥味，蟹膏金黃濃味，醬油不會太咸，再加紫菜飯一齊食一流。蔬菜紫菜飯捲+辣炒年糕+炒粉絲呢個set簡直係我最愛，飯捲大大件好紮實，年糕口感煙韌，醬汁甜甜地而且都幾辣，粉絲配菜多，味道略淡。另外我地追加餃子，炸得香脆內軟，Juicy。