恒樂海鮮菜館

Open Now

Now Closed

好耐都冇入過嚟長洲喇!今日同女朋友放假，決定入嚟行下。咁遠水路入到嚟，梗係順便食埋個海鮮餐先走啦。喺海傍條街度行咗個圈，望到呢間特別多人食，心諗冇死錯人，就試呢間!入到去環境光猛，都算乾乾淨淨，我地一坐低，乜都未叫，伙記就送上咗兩碗熱騰騰嘅粟米湯。唔理咁多，天氣凍，暖咗個胃先 味道都唔錯。我地跟住先開始睇食咩，由於得兩丁友，所以只叫咗兩三道菜。最驚嚇嘅係，原來呢度係套餐玩法，“食海鮮，送炒菜”，結果我地慳一個菜。最後叫咗個椒鹽九肚魚同埋豉椒炒蟶子。三個餸都唔錯，鑊氣都夠，個菜亦唔會太鹹 （有啲餐廳炒通菜好似食鹽咁）一個白飯兩份分，整多支啤酒，埋單200有找又一驚嚇 多謝哂，下次再會