Treats (Closed)

之前因為返工成日會去大角嘴，時唔時都有食開個邊個間麵麵店。但因爲呢幾年都無行開個邊，就算掛住d菜脯同辣醬，都無特登去食。前幾日經過太古，唔知食咩好，就入左food court望下有咩岩食。入到去，竟然見到麵麵店有分店，就緊係咩都唔好講，即刻排隊買黎食先！ 我叫左米粉同清湯底。配菜就叫左辣蓮藕、豬耳、春捲同咖哩魷魚。辣蓮藕絕對係必食！！豬耳就正常水平。魷魚其實本身係浸住係d咖哩醬度，但放左入車仔麵度，比d湯沖稀左，變到一d咖哩味都無。。。所以個人覺得叫湯麵要咖哩魷魚就有d曬氣。春捲都正正常常，無咩驚喜。 最後一定要加大量菜脯同辣醬，基本上呢個就係個車仔麵既靈魂。。。每啖都加少少菜脯落去先食得開心d！