Video
Read full review
2021-03-21
761 views
今次黎到百德新街既Outback同朋友小聚，呢間分店比其他相對無咁繁忙，所以一黎到都已經有位，而且都非常寬敞。我地4人共叫左個2人餐、小食拼盤、牛扒同2杯飲品。先講飲品，我地叫左黑牛同Apple Cider。因為以前飲過佢地同類型既藍莓雲呢拿雪糕配雪碧，感覺唔錯。所以今次叫左黑牛飲，但呢杯黑牛既雪糕明顯同可樂唔夾，所以應該無下次。至於另一杯，Apple Cider同價錢成正比，不過不失。二人餐方面，頭盤先黎左沙律同餐湯，我地叫果時，店員無問到我地要咩沙律，所以都變相無得簡，但呢款沙律係用蜜糖芥茉醬，加上芝士同脆麵包，非常開胃。至於忌廉湯方面，我覺得用黎配埋黑糖麵包都唔錯，湯入面都有粟米等蔬菜，都幾好味。而小食拼盤方面，份量非常充足，各樣味道都唔錯，唯獨是炸雞鎚有點略鹹，可能飲酒就會好啲。而豬肋骨味道甜甜地，非常軟嫩，一咬就食到啲玉。至於芝士薯條就不過不失，芝士沾滿哂薯條，分食都有啲難度。但整體性價比，我覺得算中上了。而烤雞同豬肋骨就屬於正常，份量都算大，二人餐都夠四個人食，至於味道就同小食拼盤差唔多。意粉方面，我覺得呢個意粉茄味濃郁，意粉軟硬度適中。但三文魚就有啲腥味，青口都有少少沙，
我地4人共叫左個2人餐、小食拼盤、牛扒同2杯飲品。
先講飲品，我地叫左黑牛同Apple Cider。因為以前飲過佢地同類型既藍莓雲呢拿雪糕配雪碧，感覺唔錯。所以今次叫左黑牛飲，但呢杯黑牛既雪糕明顯同可樂唔夾，所以應該無下次。至於另一杯，Apple Cider同價錢成正比，不過不失。
11 views
0 likes
0 comments
二人餐方面，頭盤先黎左沙律同餐湯，我地叫果時，店員無問到我地要咩沙律，所以都變相無得簡，但呢款沙律係用蜜糖芥茉醬，加上芝士同脆麵包，非常開胃。至於忌廉湯方面，我覺得用黎配埋黑糖麵包都唔錯，湯入面都有粟米等蔬菜，都幾好味。
而小食拼盤方面，份量非常充足，各樣味道都唔錯，唯獨是炸雞鎚有點略鹹，可能飲酒就會好啲。而豬肋骨味道甜甜地，非常軟嫩，一咬就食到啲玉。至於芝士薯條就不過不失，芝士沾滿哂薯條，分食都有啲難度。但整體性價比，我覺得算中上了。
而烤雞同豬肋骨就屬於正常，份量都算大，二人餐都夠四個人食，至於味道就同小食拼盤差唔多。
意粉方面，我覺得呢個意粉茄味濃郁，意粉軟硬度適中。但三文魚就有啲腥味，青口都有少少沙，配菜反而唔係太好。
但講到最失望既係牛扒，牛扒我地叫左3成熟，但牛味不足，食落完全係血水味，而且超級難咬，但價錢就比任何食物貴，所以都唔建議大家叫啦！
最後，想稱讚既係餐廳效率非常高，我地想Refill黑糖麵包，店員都好快送到，比起九龍灣分店，我覺得呢到服務更好，因為九龍灣分店叫Refill麵包，要叫好多次，仲要臨走先送黎。
Post
