新錦園大排檔

Open Now

Now Closed

今晚心情就像天氣，時陰時晴，毛毛雨下就想飲杯青島爽爽食個大排檔，久經搜尋下因地點就到訪這家冷氣熟食市場裡的“新錦園”，網上風評不錯，就點了幾個小炒伙計推介最後兩份燒鵝例牌，緊係點，黎到份量有驚喜，以為有半隻添，微熱有肉咬再來椒鹽墨魚嘴，應該係招牌，好少見咁大隻可以炸到咁爽咁脆，送酒一流薑葱鵝腸煲亦係夠份量又入味，小炒王中規中矩，最後竟然問有冇豉油王炒麵，俾朋友笑（大排檔點會冇）。第一次光顧，街市感覺乾淨，今晚跑馬都仲有位，可能落雨關係，食完個人滿足晒，人多可以再來。