韓牛牧場 (Closed)

久違嘅放縱日一定要食餐好嘅，友人介紹咗一間標榜無煙韓燒餐廳，原來全場都係用光波爐面唔係典型嘅韓燒爐，一嚟無咁熱，二嚟食完唔係成身都有燒烤嘅味道👍🏻世子牛盛放題分入座時間有唔同嘅價位，識食嘅你可以早少少嚟又可以避開人潮又可以平dd 😆😆除咗部分極上定量製作係每台一round 外，其他肉類、刺身、主食、前菜等都係任飲任食嘅👍🏻入座後店員會隨即安排6色刺身拼盤、4合時令海鮮拼盤、4合安格斯牛肉盛合，韓牛壽司同醬油蝦，加單只需要scan 1 scan QR code 就可以落單，方便衛生又環保♻️6色刺身拼盤其實唔止6款，有齊肥美三文魚、新鮮虎蝦、爽口北寄貝同魷魚🦑，少有嘅榮螺都好爽口👍🏻4合海鮮拼盤同牛肉盛合都相當唔錯，但唯獨份量就較少，如果可以refill 就更加好啦。除咗牛肉同海鮮，任食list 仲有好款豬肉、雞肉、多春魚、帆立貝等等。另外仲有大量熟食可以係等燒肉變熟嘅同時都可以keep 住食野，最驚喜嘅係哩到嘅炸物相當出色，炸粉超薄身又勁脆，上台仲係熱㷫㷫卜卜脆，椰汁流心球同紫心香芋丸必試推介👍🏻👍🏻