Video
Read full review
2022-11-15
1119 views
麻酸樂米線專門店📍天水圍天恩路12-18號+WOO嘉湖1期1樓138號舖同朋友去完屏山圖書館，本來想帶佢食新北江好出名嘅米線，但居然撞正佢休息，所以要轉場去銀座搵食。其實銀座嘅餐廳選擇唔多，大部分都係連鎖店，所以我哋就揀咗去呢間唔係咁常見嘅餐廳食。我仲記得中學時期有特登早啲起身同朋友嚟麻酸樂食早餐，不過晚餐真係第一次！ 💰$148二人同行 👩🏻❤️👨🏻前菜：生煎蔥肉餅 🍘本來以為肉餅係豬肉餅，點知原來係生煎肉包仔，唔好睇佢好似平平無奇，一咬落去啲汁噴到成枱都係，勁驚訝！而且外皮好香脆，油熱辣辣，前菜嚟講都幾特別！不過應該係現成急凍嘅肉餅，之前都試過喺凍肉專賣店買過類似嘅嘢返去用氣炸鍋炸嚟食，咁嘅價錢有四件算性價比好高啦！湯：黑魚片皮蛋豆腐芫茜湯 🍲黑魚片夠晒嫩滑，食咗咁多塊都無一塊食到有骨嘅，大讚！皮蛋係有雪花嘅，非常濃味，豆腐亦都好滑，個芫荽湯比較似羹，清清地幾好味。主菜：椰香咖哩魚柳煲 🥘慢煮特級豬腩肉伴滷水蛋 🐖🥚滷水蛋滷水味濃，蛋有少少過熟所以蛋黃散散哋，但味道係ok嘅。豬腩肉唔會韌，不過我呢啲怕肥人士就略嫌佢太多肥肉，所以將啲肥肉俾晒我個大把quota嘅朋友食！成個拼盤嘅重
📍天水圍天恩路12-18號+WOO嘉湖1期1樓138號舖
同朋友去完屏山圖書館，本來想帶佢食新北江好出名嘅米線，但居然撞正佢休息，所以要轉場去銀座搵食。其實銀座嘅餐廳選擇唔多，大部分都係連鎖店，所以我哋就揀咗去呢間唔係咁常見嘅餐廳食。我仲記得中學時期有特登早啲起身同朋友嚟麻酸樂食早餐，不過晚餐真係第一次！
[價錢 Price]
💰$148
二人同行 👩🏻❤️👨🏻
前菜：
生煎蔥肉餅 🍘
本來以為肉餅係豬肉餅，點知原來係生煎肉包仔，唔好睇佢好似平平無奇，一咬落去啲汁噴到成枱都係，勁驚訝！而且外皮好香脆，油熱辣辣，前菜嚟講都幾特別！不過應該係現成急凍嘅肉餅，之前都試過喺凍肉專賣店買過類似嘅嘢返去用氣炸鍋炸嚟食，咁嘅價錢有四件算性價比好高啦！
湯：
黑魚片皮蛋豆腐芫茜湯 🍲
黑魚片夠晒嫩滑，食咗咁多塊都無一塊食到有骨嘅，大讚！皮蛋係有雪花嘅，非常濃味，豆腐亦都好滑，個芫荽湯比較似羹，清清地幾好味。
主菜：
椰香咖哩魚柳煲 🥘
慢煮特級豬腩肉伴滷水蛋 🐖🥚
滷水蛋滷水味濃，蛋有少少過熟所以蛋黃散散哋，但味道係ok嘅。豬腩肉唔會韌，不過我呢啲怕肥人士就略嫌佢太多肥肉，所以將啲肥肉俾晒我個大把quota嘅朋友食！成個拼盤嘅重點係伴碟嘅菜脯粒同雜菜粒，微酸微辣，夠晒醒胃，撈飯一流！
配送：
白飯兩碗 🍚 (+$6可轉肉燥飯一碗)
飲品兩杯 (冷熱同價)
晚市呢個價錢，食到一個前菜、兩個小菜、一個湯同兩碗飯，仲包埋凍飲，真係好抵食！惟一要挑剔嘅就係佢嘅飯煮得比較爛，可能佢始終係賣米線為主嘅，所以比較少人叫飯嚟食。
Post
