沙嗲王 (Closed)

今日一返到公司，同事就話今日好想食白咖喱，於是 Lunch time 就成班同事出左去食飯。旺角呢間第一次黎，坐位都好寬敞。白咖喱豬扒飯 $54 x 2 - 呢個係沙爹王嘅招牌菜，每次黎必點，咁多年都維持到水準。每碟有三塊豬扒，厚切但整得好淋，有淡淡香茅味。白咖喱微辣有椰香，撈飯一流。紅酒焗牛柳粒飯 $68 - 一上枱，我地就嘩嘩嘩，飯上面嘅牛柳粒好似就嚟滿瀉，份量超多。入面除咗有芝士仲有溫泉蛋，撈埋飯同牛柳粒一齊食，口感好豐富。蟹粉豆腐鍋 配 薄餅 $78 - 因為太多飯所以配薄餅，可以點蟹粉豆腐黎食。豆腐好滑，蟹肉新鮮。一直以嚟都只係會叫白咖喱豬扒飯，今次經同事介紹，原來紅酒焗牛柳粒飯都好出色，下次就唔使再獨孤一味。