Video
Read full review
2017-11-08
424 views
相對於放題/任食而言，個人係比較傾向於單點。都有一段時間冇食過放題喇，講到韓燒嘅放題，點能夠少得幾家始祖，不過老實講，個人認為價錢又唔係平，質素又一般般；今次一行四人揀左佐敦呢家新新地(?)嘅韓家莊，同朋友們來一次久遺的韓燒放題，估唔到質素都ok喎，始終係新開，而且價錢唔貴喎，食厭左漢字頭，可以一試嘅韓家莊位於佐敦薈，都幾近地鐵站，平日晚上時間，入座都有四成，以新餐廳黎計，都算幾好生意，而且餐廳位置挺多的。裝潢方面普普通通，地方闊落，有大枱，有卡位，抽風系統不錯，食完都冇一大陣味服務方面都可以，雖然人手唔算好多，但店員都落力，最重要都係唔會扮見我唔到。價錢相宜，晚市放題，連埋飲品、啤酒任飲，定價$188/位（星期五六日+$10），7pm前離座/10pm後入座仲有8折，呢個價錢我冇投訴了，始終而家出去食韓燒都唔平，偶然黎一次平價放題感覺新鮮。食物方面選擇都幾多，一律自取，擺放整齊，列明邊樣打邊樣，都食得好放心。基本款式同一般任食韓燒一樣，例如都有壽司、刺身等，不過我平時比較少食；另外有沙律吧、水果，生菜都係任食，我食韓燒必定要包生菜，因為冇咁油膩，而且剪碎啲肉食，我覺得可以食得更多，哈哈
韓家莊位於佐敦薈，都幾近地鐵站，平日晚上時間，入座都有四成，以新餐廳黎計，都算幾好生意，而且餐廳位置挺多的。
裝潢方面普普通通，地方闊落，有大枱，有卡位，抽風系統不錯，食完都冇一大陣味
服務方面都可以，雖然人手唔算好多，但店員都落力，最重要都係唔會扮見我唔到。價錢相宜，晚市放題，連埋飲品、啤酒任飲，定價$188/位（星期五六日+$10），7pm前離座/10pm後入座仲有8折，呢個價錢我冇投訴了，始終而家出去食韓燒都唔平，偶然黎一次平價放題感覺新鮮。
食物方面選擇都幾多，一律自取，擺放整齊，列明邊樣打邊樣，都食得好放心。基本款式同一般任食韓燒一樣，例如都有壽司、刺身等，不過我平時比較少食；另外有沙律吧、水果，生菜都係任食，我食韓燒必定要包生菜，因為冇咁油膩，而且剪碎啲肉食，我覺得可以食得更多，哈哈。
水果、涼粉、生菜
13 views
0 likes
0 comments
前菜方面有超過十款，辣泡菜、白菜仔、鹹魚仔、泰式鳳爪、芽菜、青瓜等，一應俱全。泡菜嘅味道都ok，唔會太酸太辣，任食黎講算質素唔錯，我都包左唔少生菜、肉食。白菜仔同芽菜我都食左唔少，略嫌青瓜唔夠辣，唔夠過癮，可能想遷就番大眾口味。
燒肉前已經有好多食物選擇，花多眼亂，咖喱蟹雖然肉唔多，但味道唔錯，仲有泡菜餅、韓式牛尾、炸雞翼、炒蜆、薯餅、炒菜、春卷等等，整體都ok，比我想像中好多了（畢竟我都好耐時間冇食呢類型韓燒放題）
其中有冬蔭公湯同人蔘雞湯，不過我覺得呢兩款味道一般前者太油，後者好重味精感，建議先倒少少試試啱唔啱口味先，以免浪費。
煎餅
7 views
0 likes
0 comments
肉類方面選擇不少，好乾淨企理，有蝦、牛肉、牛肋骨、牛柳粒、豬五花、豬肉、豬扒、雞扒、午餐肉、脆皮腸、魷魚、多春魚、紅腸、煙肉金菇等。蔬菜方面都有冬菇、雞脾菇、翠玉瓜、茄子、南瓜、洋蔥等，望落都好新鮮，唔會話擺放左好耐
其中我地覺得豬扒、牛肋骨、蝦、雞扒、魷魚嘅味道都唔錯，食左好多轉
牛肋骨幾腍身；蝦肉大隻，雖然係冰鎮住，但食落都唔霉；魷魚係幾彈牙爽口，仲分開腳同身；雞扒同豬扒包生菜一流。
食完韓燒不得不食啲雪糕，解解膩解解渴，都係維記，有曲奇、芒果、雲呢拿、芝麻口味。雪櫃夠凍係我唯一要求，合格。
甜品櫃有啲啫喱、豆腐花等。
甜品櫃
22 views
0 likes
0 comments
豆腐花
8 views
0 likes
0 comments
仲可以自製棉花糖。
飲品方面選擇多，除左一般汽水，仲有韓式飲品，紙包嘅道地烏龍茶、解茶等。
飲品
14 views
0 likes
0 comments
飲品
6 views
0 likes
0 comments
啤酒任飲：如果你飲啤酒嘅話，輕鬆回本，因為呢度有罐裝啤酒之外，連hoegaarden都係任飲呢。
餐牌：
Post
