新記雞粥 (鴻禧大廈)

Open Now

Now Closed

雖然媽咪煮得一手好菜，但有時佢都會覺得攰想出街食， 屋企附近有間粥品小炒店係我地成日幫襯嘅。今晚我地又嚟喇。有一道菜係我地每次來都必點的， 就是义燒炒蛋， 佢地嘅义燒質地唔錯， 蛋炒得幾滑但唔係溝水嗰隻。今次唔係同弟婦嚟唔使走蔥就更香口好味。平時我地小菜會加錢跟餐的，有飯有湯或飲品， 但今晚我地就散點左炒米粉。米粉炒得好清爽乾身， 只係簡單加左韮黃芽菜同火腿絲已經好好味。媽咪仲讚佢用嘅米粉好好， 唔會起硬骨。見我食左幾日辣野， 媽咪就話不如點個枸杞豬潤湯飲下， 明目清肝喎。我不嬲都唔鍾意飲湯嘅， 不過就鍾意食佢啲豬潤， 所以都ok.最後始終都忍唔到口， 叫左個酥炸魷魚😆， 佢啲魷魚實在柔軟， 脆漿香口薄身， 真係好好味。因為有煎炸野， 所以我就叫左杯龍眼冰。其實之前未叫過， 所以見到佢登場時俾佢鮮綠色嘅造型嚇親😅，太小孩了耶！不過有七喜底還算解渴。