甘味讚岐手打烏冬 (Closed)

一早去到唔洗等位，其實試過其他分店，一般貨色，唔會有太大期望，今次亦一樣，不過係冇期望都失望。叫咗煎餃子，勁難食，餃子皮破過紙皮，又唔脆又唔熱，不知所謂。我叫咗吉列豬扒配蕃茄烏冬，吉列豬扒係脆，剛炸完，不過油到冇朋友，而且炸過龍，完全冇肉味，又食紙皮，仲要油浸紙皮，真嚇人。蕃茄烏冬叫做介似d樣，超級味精湯底，何必呢？好地地d烏冬做乜搞成咁！老公食吉列芝士豬扒配麥麵，吉列芝士豬扒同我一樣咁差，仲加陣油油嘅所謂芝士汁，救命！以後唔會再光顧！