Video
Read full review
2015-04-16
2751 views
之前曾經嚟過樂天，無論八色小籠包，定部份小菜，都既有特色，又有水準，所以，嗰時已講過會帶舅仔嚟試吓，趁著佢老婆生日，一於拉隊一家人嚟品嚐品嚐。唔知喺熱潮回落少少，定喺正正周中，加上我哋嚟得早，門外再無太多客人等位嘅盛況，不過，坐吓坐吓，都十乘滿 ，門外出面嘅位都坐咗唔少客。環境就唔再講喇，之前嘅食評都有描述，費事再抄一次啫。因為前後嚟過兩次，所以，點菜重任就由小弟肩負。除小籠包外，類別仲有點心、湯、涼菜、經典小炒、飯麵、拉麵、甜品及飲料，上次嚟有幾款新加坡風味，本想點嚟俾屋企人試，依家只喺得番個喇沙，都照點，然後加啲心水小菜，咁就度掂晒 ！ 蘿蔔絲酥餅 $34 先嚟一客「熱氣」點心，因為試過認為做得好，所以，點一客俾家人試，佢哋都讚個酥餅做到油香鬆脆，內裡嘅蘿蔔絲清甜多汁。 麻醬油麥菜 $48 涼菜就揀咗麻醬油麥菜，又喺翻兜之選，同樣「專登」點俾屋企人試。一扎一扎嘅油麥菜版青瓜薄片捲實，入口爽脆俐落，添少少麻醬，清新中化出陣陣濃香，味道有層次。 樂天皇朝八種口味小籠包 $88 我諗十枱就會有十枱客都點依個「八色」小籠包，我哋5個人起碼要點兩籠啦。8種味道包括
唔知喺熱潮回落少少，定喺正正周中，加上我哋嚟得早，門外再無太多客人等位嘅盛況，不過，坐吓坐吓，都十乘滿 ，門外出面嘅位都坐咗唔少客。環境就唔再講喇，之前嘅食評都有描述，費事再抄一次啫。
因為前後嚟過兩次，所以，點菜重任就由小弟肩負。除小籠包外，類別仲有點心、湯、涼菜、經典小炒、飯麵、拉麵、甜品及飲料，上次嚟有幾款新加坡風味，本想點嚟俾屋企人試，依家只喺得番個喇沙，都照點，然後加啲心水小菜，咁就度掂晒 ！
蘿蔔絲酥餅 $34 先嚟一客「熱氣」點心，因為試過認為做得好，所以，點一客俾家人試，佢哋都讚個酥餅做到油香鬆脆，內裡嘅蘿蔔絲清甜多汁。
蘿蔔絲酥餅
$34
38 views
0 likes
0 comments
麻醬油麥菜 $48 涼菜就揀咗麻醬油麥菜，又喺翻兜之選，同樣「專登」點俾屋企人試。一扎一扎嘅油麥菜版青瓜薄片捲實，入口爽脆俐落，添少少麻醬，清新中化出陣陣濃香，味道有層次。
麻醬油麥菜
$48
75 views
1 likes
0 comments
我諗十枱就會有十枱客都點依個「八色」小籠包，我哋5個人起碼要點兩籠啦。8種味道包括原味、人參、鵝肝、黑松露、芝士、蟹粉、蒜香及麻辣，每一個由唔同顏色去區分，未食已覺得好養眼，由淡至濃，餐廳有個食用建議次序。不過，個人嚟講，想試邊款就邊款，反正好少一個人食晒8款。
樂天皇朝八種口味小籠包
$88
113 views
0 likes
0 comments
鵝肝味 - 啡黃嘅鵝肝味，估唔到有啲驚喜喎，嗒到甘腴嘅鵝肝，湯汁亦有少少甘甜；
芝士味 - 橙黃色嘅芝士味，最突出喺可以一咬就拉出一絲絲芝士，口感過癮；
蟹粉味 - 橙啡色嘅蟹粉味，跟過往一樣嚐到蟹味，細細一粒，蟹味算得上濃郁。
今晚自己就試咗以上幾款，而原味、黑松露味、蒜香味以前都試過，嚟過幾次，都喺未試過麻辣味，唔嗜辣自不然唔會主動嚐個辣嘅。京醬肉絲配薄餅 $78
餐牌中有一個系列叫經典小炒，但又唔覺京醬肉絲喺一道經典小炒菜式，不過，味道就真喺唔錯。肉絲以濃香嘅醬汁爆炒，味道頗濃，帶少少甜，但配合埋底下嘅京蔥，再搵薄餅包住食，不失惹味。但一定趁早食，因為啲薄餅一攤涼就變硬，影響口感。
京醬肉絲配薄餅
$78
36 views
0 likes
0 comments
蒜香鮮魚柳 $88 依道菜好似英式嘅炸魚咁，同樣沾粉漿脆炸，一咬外層非常之香脆，嚓嚓聲，亦唔算好厚，而魚肉亦好嫩滑，不過，蒜香未有預期咁突出，整體不過不失。
蒜香鮮魚柳
$88
43 views
0 likes
0 comments
瑤柱芙蓉賽螃蟹 $72 望落啲炒蛋白又白又滑，唔知入口喺點？將蛋黃、黑醋跟蛋白撈勻，蛋白真喺滑溜，帶點醋香。蛋白模仿蟹肉，蛋黃就想扮吓蟹膏，不過，瑤柱絲的確得好少，吊唔出個鹹鮮香味。
瑤柱芙蓉賽螃蟹
$72
115 views
0 likes
0 comments
飯麵類先嚟一客炒年糕，再加一碗喇沙鮮肉卷拉麵。炒年糕喺老婆嘅心水菜，貪佢煙韌有咬口，又軟軟綿綿咁，配濃厚醬油，做到基本有餘。
炒年糕
$68
43 views
0 likes
0 comments
之前已試個喇沙海鮮拉麵（$78），覺得佢哋嘅喇沙湯底做得相當不俗，濃香帶少辣，惹味醒胃，所以，握介俾屋企人試吓，弟婦對海鮮敏感，所以，要鮮肉卷最穩陣。話鮮肉卷，其實喺肉片，還好嘅喺都幾腍滑，配喇沙湯，好食，而麵條喺有師傅即場手打，新鮮度不用懷疑，粗幼度適中，入口有韌勁，唯一美中不足喺今次隻蛋唔多溏心 ！
喇沙鮮肉卷拉麵
$58
63 views
0 likes
0 comments
香煎南瓜餅 $30 整成花餅形嘅南瓜餅，一客有3件，外層煎得少少脆口感，內裡黏糯煙韌，南瓜味唔算超強，但算唔錯。
香煎南瓜餅
$30
98 views
0 likes
0 comments
同樣一客3個，炸得漲漲，糝上糖霜，外皮軟綿，一口咬落食到豆沙蓉嘅清甜，以及香蕉肉嘅香味。
高麗豆沙
$30
51 views
0 likes
0 comments
桂花酒釀丸子 $26 個甜湯有好多糯米花及桂花，故此，酒香及桂花味同樣突出，又唔會話邊個搶邊個，好平衡；而丸子做得大細均一，口感軟糯煙韌，簡單而味美。
桂花酒釀丸子
$26
64 views
0 likes
0 comments
整體服務有番一貫水準，換碟，添水，勤快到位，侍應亦禮貌周周。茶錢$7位，連加一，埋單八百幾，當然由小弟請啦，食物嘅水準又保持到，無走樣，屋企人亦讚好，所以，無揀錯再嚟過 。
Post
