Video
Read full review
2022-07-02
34 views
韓式炸雞真係好正，有好多唔同味，啲醬汁沾滿香脆嘅炸雞皮，但每次都只可以叫一兩隻味已經好多。呢間人氣炸雞推出炸雞pizza放題，可以一次過試曬咁多仲口味嘅炸雞，仲有好多款小食可以試埋，啱曬！------------------------------🍗◖炸雞+pizza放題◗ $128+$28升級已經bookmark好耐，lunch炸雞+pizza放題包咗六款口味嘅炸雞同埋pizza，炸雞都係基本口味，+$28就可以叫埋小食同埋焗雞！放題嘅選擇好多，剩係炸雞焗雞每款叫一舊試基本都少少飽，連小食都試唔曬！ 🍗炸雞/甜酸炸雞/辣味炸雞/蜜糖芥末香蔥炸雞🌟/檸檬柚子炸雞/香草青檸炸雞🌟/濃蒜炸雞🌟/黃金鹹蛋炸雞🌟/黑糖脆脆炸雞 🍖焗雞🌟/黃金鹹蛋焗雞🌟/蜜糖蒜香焗雞/雙重芝士焗雞/韓風紫菜焗雞/BBQ香辣焗雞🌟/噴火辣焗雞 🍟小食/韓式辣泡菜/芝麻波菜/柚子醋沙律/韓式酸蘿蔔/芝士粉薯條/蜜糖牛油粟米🌟/紫菜薯條🌟/韓式辣拌海蜇/涼拌水冷麵/炸餃子 🍕Pizza/熱帶風情薄餅佢menu有幾隻口味，但要視乎當日嘅pizza有咩味，我果日就得熱帶風情。Pizza一個手掌咁大個，分咗四分，餅
------------------------------
🍗◖炸雞+pizza放題◗ $128+$28升級
已經bookmark好耐，lunch炸雞+pizza放題包咗六款口味嘅炸雞同埋pizza，炸雞都係基本口味，+$28就可以叫埋小食同埋焗雞！放題嘅選擇好多，剩係炸雞焗雞每款叫一舊試基本都少少飽，連小食都試唔曬！
🍗炸雞
/甜酸炸雞
/辣味炸雞
/蜜糖芥末香蔥炸雞
🌟/檸檬柚子炸雞
/香草青檸炸雞
🌟/濃蒜炸雞
🌟/黃金鹹蛋炸雞
🌟/黑糖脆脆炸雞
🍖焗雞
🌟/黃金鹹蛋焗雞
🌟/蜜糖蒜香焗雞
/雙重芝士焗雞
/韓風紫菜焗雞
/BBQ香辣焗雞
🌟/噴火辣焗雞
🍟小食
/韓式辣泡菜
/芝麻波菜
/柚子醋沙律
/韓式酸蘿蔔
/芝士粉薯條
/蜜糖牛油粟米
🌟/紫菜薯條
🌟/韓式辣拌海蜇
/涼拌水冷麵
/炸餃子
🍕Pizza
/熱帶風情薄餅
佢menu有幾隻口味，但要視乎當日嘅pizza有咩味，我果日就得熱帶風情。Pizza一個手掌咁大個，分咗四分，餅底好似麵包舖嘅pizza包口感，冇咩特別。
加咗🌟可以一試！炸雞嘅皮都好熱好香脆，肉質鮮嫩唔鞋，炸雞質素OK！尤其推薦黃金鹹蛋同檸檬柚子味嘅炸雞，鹹蛋黃味好香濃起沙好好食，檸檬柚子味就酸酸甜甜好freah好開胃！仲有個新推出嘅黑糖脆脆炸雞，果種黑糖味同香脆炸雞嘅口感勁夾！小食黎講，就剩係試咗佢個紫菜薯條，啱啱炸起仲熱辣辣好香脆，但就要等耐少少。
🍇◖提子特飲◗ $58
🍹◖熱情果燒酒◗ $78
飲品買一送一，所以呢到$78已經有兩大杯嘢飲！提子特飲勁吸引，佢有成條提子雪條浸係到，keep住杯嘢凍又可以慢慢出味，幾好！熱情果燒酒又係勁大杯，有支酒倒轉插喺上面！飲落果汁味好重，酒精味唔濃。
Encore指數：8.5/10
------------------------------
呢個價錢咁多款式嘅雞，勝在可以試曬咁多隻味，覺得真係好抵！Overall啲食物都上得好快亦冇漏單情況，唔同款式嘅雞陸陸續續咁上，有時都分唔清邊隻打邊隻，想再試返要撞下運氣！店員態度都好，好主動幫你收走啲碟，有時都會介紹下碟入面係咩口味，係幾好嘅一次體驗！
Post
