Video
Read full review
2024-06-17
111 views
第一次寫食評，真係食到一肚氣🙏🏻原本一開頭入到去見環境幾舒服，好似好多嘢食，以為撞到間好餐廳。結果，星期一已經唔算多人食，入到去個餐牌就好多嘢食，但Scan完QR code好多嘢食都無，椰青又無。九層塔炒大蜆嚟到個殼就大，入面完全無肉，唔知食緊啲乜。食份量細，價錢都又唔平。到8:45左右，個侍應過嚟話9點last order，咁我哋就諗住叫甜品。btw一入去坐低已經好期待食啲甜品，餐牌上面好多款特色甜品，甚至門口個招牌都係印曬啲甜品喺到。結果8:45即刻scan個QR code諗住落單叫甜品，入到個網到得返4款。喺泰國餐廳想食個芒果糯米飯都唔係好過分姐🙏🏻芒果糯米飯都無。咁都算，諗住4樣入面都揀一兩樣叫，掣都未撳突然之間全部甜品售罊，過多幾秒連個甜品個行都無埋，唔講以為我有幻覺。叫個侍應過嚟，問佢係唔係無曬甜品，佢就咁話網到無就無。大佬呀，我早一分鐘仲見到4樣甜品可以叫，眨個眼4樣同時賣曬？幾秒後就連甜品個行都無埋，都幾搞笑。埋單同個侍應反映下點解會咁快無曬甜品，佢答我哋因為下午茶好多人叫甜品，所以賣曬，叫我哋下次要早啲落。佢當我低能定點？😅8:45行過嚟話last order個時仲有
原本一開頭入到去見環境幾舒服，好似好多嘢食，以為撞到間好餐廳。結果，星期一已經唔算多人食，入到去個餐牌就好多嘢食，但Scan完QR code好多嘢食都無，椰青又無。
九層塔炒大蜆嚟到個殼就大，入面完全無肉，唔知食緊啲乜。食份量細，價錢都又唔平。
到8:45左右，個侍應過嚟話9點last order，咁我哋就諗住叫甜品。btw一入去坐低已經好期待食啲甜品，餐牌上面好多款特色甜品，甚至門口個招牌都係印曬啲甜品喺到。結果8:45即刻scan個QR code諗住落單叫甜品，入到個網到得返4款。喺泰國餐廳想食個芒果糯米飯都唔係好過分姐🙏🏻芒果糯米飯都無。咁都算，諗住4樣入面都揀一兩樣叫，掣都未撳突然之間全部甜品售罊，過多幾秒連個甜品個行都無埋，唔講以為我有幻覺。
叫個侍應過嚟，問佢係唔係無曬甜品，佢就咁話網到無就無。大佬呀，我早一分鐘仲見到4樣甜品可以叫，眨個眼4樣同時賣曬？幾秒後就連甜品個行都無埋，都幾搞笑。
埋單同個侍應反映下點解會咁快無曬甜品，佢答我哋因為下午茶好多人叫甜品，所以賣曬，叫我哋下次要早啲落。佢當我低能定點？😅8:45行過嚟話last order個時仲有，一分鐘之內全部甜品無曬，現場其他客人都仲食緊主菜，都無人叫甜品，隔離枱有對母女都諗住last order前叫埋甜品，最後都係被告知無曬。星期一夜晚、喺餐廳只係坐咗一半客嘅情況下，都可以無甜品，咁你哋星期六日點做生意？
再同個侍應反映埋個蜆啲肉瘦到傻，佢同我講可能甩咗出嚟。我唔係講緊啲蜆離殼，我係講緊每隻蜆都痴住個殼，但啲肉細到以為無🙏🏻
呢間嘢可以blacklist，你請我都唔會再去。如果你哋唔怕食到想講粗口嘅話，隨便去試😁
Post