Video
Read full review
2021-03-29
124 views
突然邊爐癮起，同女朋友去上年食過嘅倫哥打邊爐，記佢係任食得嚟又抵食，見到社交平台佢哋今次仲推出$198雞煲邊爐餐，就去食食！雞煲好大煲，有成隻雞嘅份量而且用上三黃雞肉質嫩滑，皮脆骨軟，而且有點兒脂肪雞肉香口，風味獨特，而雞煲味濃香味撲鼻，因為佢地用上二十幾種香料製成，香麻惹味。響等食雞煲嗰時，有兩碟美食可食住等，第一碟係鮑魚冬菇同埋麻辣豆腐鴨血，聽職員講麻辣鴨血豆腐係新出品用鑊仔上，夠曬熱，兩件食物都好入味，唔算好辣。食完雞煲，店員問我地打邊爐嘅湯底想要咩，包括豬骨，蕃茄，莞茜等湯底，我地order 酸菜魚湯底，好正，唔會太咸，魚塊又彈牙,之後端上一碟新鮮嘅牛頸脊，砌成了一座牛肉小山丘，牛肉片嘅顏色好靚好鮮艷，牛香味勁重，我只係放落湯底十秒滾就拎返上嚟食，牛肉呈半生熟情度，牛肉肉質鮮嫩爽滑得嚟又有咬口！ 除此之外，仲有每人半邊新鮮龍蝦，海鮮拼盤同埋蝦滑，墨魚滑，店員話每日送嘅嘢每日唔同的～出面有近50款食物可以任食，包括唔同嘅菜，餃子，丸類，麵食，炸物等等，飲品櫃都好大開放俾人任飲。我未試過任食邊爐啲炸魚皮會咁大片，長過一隻手掌, 又夠脆, 另外手工餃都一流, 有4款俾大家選, 有鮮蝦
突然邊爐癮起，同女朋友去上年食過嘅倫哥打邊爐，記佢係任食得嚟又抵食，見到社交平台佢哋今次仲推出$198雞煲邊爐餐，就去食食！
雞煲好大煲，有成隻雞嘅份量而且用上三黃雞肉質嫩滑，皮脆骨軟，而且有點兒脂肪雞肉香口，風味獨特，而雞煲味濃香味撲鼻，因為佢地用上二十幾種香料製成，香麻惹味。響等食雞煲嗰時，有兩碟美食可食住等，第一碟係鮑魚冬菇同埋麻辣豆腐鴨血，聽職員講麻辣鴨血豆腐係新出品用鑊仔上，夠曬熱，兩件食物都好入味，唔算好辣。
食完雞煲，店員問我地打邊爐嘅湯底想要咩，包括豬骨，蕃茄，莞茜等湯底，我地order 酸菜魚湯底，好正，唔會太咸，魚塊又彈牙,之後端上一碟新鮮嘅牛頸脊，砌成了一座牛肉小山丘，牛肉片嘅顏色好靚好鮮艷，牛香味勁重，我只係放落湯底十秒滾就拎返上嚟食，牛肉呈半生熟情度，牛肉肉質鮮嫩爽滑得嚟又有咬口！ 除此之外，仲有每人半邊新鮮龍蝦，海鮮拼盤同埋蝦滑，墨魚滑，店員話每日送嘅嘢每日唔同的～
出面有近50款食物可以任食，包括唔同嘅菜，餃子，丸類，麵食，炸物等等，飲品櫃都好大開放俾人任飲。我未試過任食邊爐啲炸魚皮會咁大片，長過一隻手掌, 又夠脆, 另外手工餃都一流, 有4款俾大家選, 有鮮蝦雲吞, 粟米餃, 韮菜餃,鳳城餃等, 脹卜卜十份足料.
最後糖水都有兩款, 椰汁咋喳同似椰汁燕絲嘅糖水, 大家唔好錯過~
Post
