放牛牛 (Closed)

今日要去尖沙咀郵局寄野，諗諗下不如去埋放牛牛，一路都好想試，但睇到好多openrice既comment都唔好，所以遲遲未試，因為真係好怕排隊同員工態度唔好。結果......完全冇以上擔心既野，首先我下午2點幾去，人唔多，入到去（收銀收埋左自己，所以以為冇人）整雪糕果位男店員有禮貌好笑容，收銀位姐姐冇乜笑容，但未去到冇禮貌wo,其他客人問佢野佢都耐性回答。今日好彩，4款雪糕都有，不過第一次去，都唔知邊款好味,朱古力（火牛牛）味好似最靚，不過朱古力雪糕冇乜興趣；lavender(風牛牛）都靚，不過以前響XTC試過一次好似hand cream味，至此怕左，見到靚都咪搞😂；其實都想試栗米味（地牛牛）不過心目中最愛都係鹽味雪糕（水牛牛），上面既泡泡糖好好味wo,薄薄一片，唔痴牙，墨汁酥餅，都入口鬆化，但食唔出墨汁之類既味，但就整到人地一口黑晒😂建議同唔係自己男朋友去既女仔就唔好揀黎食，另外仲有幾粒藍莓，至於主角鹽味雪糕，第一啖真係成口鹽，但食落又覺得ok wo,我同肥仔大人都食唔停口，應該都好味，唔係佢咁偏食既細路都唔會猛食😂食到個黑色雪糕筒已經好飽，又見普普通通，食多2啖就冇再食。見到好多人買