喫麵 (K11 MUSEA) (Moved) New Location

嚟新K11有咩好食？呢度最近新開咗一間麵店，集合世界各國嘅招牌麵款，而且價錢相宜，我同朋友二話不說就黎試吓。店內環境非常寬敞，全自助式運作，取票後等叫號取餐。新加坡海鮮喇沙 $98雖然面嘅種類多籮籮，香港、上海、台北、河內、新加坡、京都......包羅萬有，但主打始終係泰國、新加坡麵類，我地梗係試招牌啦😍喇沙湯底椰香好重，非常濃郁，而且配料豐富，有魚蛋、豆卜、青口、鮮蝦、雞蛋，抵食！布吉大蝦冬蔭功粉 $118鍾意食辣嘅朋友就唔可以錯過冬蔭功，採用原隻布吉大蝦，香料香濃惹味，粉的硬度剛剛好，我真係連汁都飲埋。飲品都係呢度一大特色，重點係價錢唔貴，而且顏值極高！熊仔造型非常可愛，奶茶仲有泰式同港式選擇，兩杯都好飲。黑熊珍珠港式奶茶$38泰式黑熊珍珠奶茶 $34芒果鴨絲牛油果紙米卷$38鮮芒果糯米糍$22連甜品都有供應，係新鮮嘅芒果糯米糍。下次再嚟K11行街，一定會把握機會試埋其他麵類。