九丁目日本料理

Open Now

Now Closed

行完街心血來潮想食日本野，行過見到裝飾幾靚，櫻花樹令我諗起日本，望下餐牌都幾多野食，於是就簡左呢間九丁目。餐廳無論係門外定內都充滿日本風格。🥄茶碗漬蒸蛋＄28茶碗蒸蛋味濃，帶滑嫩的口感，除左有香菇、海鮮外，仲有年糕添，第一次食茶碗蒸入面係有年糕，卻意外好味，推薦大家要試下。🥢溫泉蛋軟殼蟹沙律＄88軟殼蟹食起來香酥可口，連蟹殼帶著柔軟口感，蟹肉香甜滋味，帶來滿足感。沙律菜亦好開胃。🥢火山丼＄168食日本野唔少得魚生飯，我們簡左火山丼，食材非常豐富，有三文魚、吞拿魚外、海膽、蟹肉、三文魚籽、蟹籽，海膽新鮮唔腥，蟹肉同刺身都鮮甜，而且丼飯附送麵豉湯。🥢岩石燒黑毛豬五花腩＄108有十塊黑毛豬五花腩，切得好整齊，帶脂肪層的肉，肥瘦相間，放上岩石板上煎香味十足，黑毛豬肉味濃，而且充滿肉汁。🥢自家製芝麻雞翼（4本）＄60雞翼入口香脆，芝麻及肉汁皆保留於雞翼內，香脆可口，肉質嫩滑，好食滋味。整體食物質素滿意，元朗又多一間好食日本料理。