新潮樓 (Closed)

上星期去咗九展睇演唱會，睇之前就喺emax搵野食，見到呢間新開嘅潮州菜環境唔錯就試下。😛 🤎滷水三拼食潮州菜一定要食滷水，佢地除咗一般潮州菜有嘅鵝片，仲有豬耳、鵝腸等等，仲可以雙拼或者三拼。😋我就叫咗滷水鵝片、豬大腸同墨魚。滷水鵝片肉質軟淋，有肉香，滷水好入味唔會太鹹，必叫。👍🏻 🦪香煎蠔仔酪潮州菜另一個主角一定係蠔餅，佢地嘅蠔餅好大塊，炸得好鬆脆，食落卜卜脆。😛 蠔仔份量幾多，而且比較大隻，好滿足！ 🐷鹹魚煎肉餅充滿鹹香嘅鹹魚同肉餅好夾，煎得好香口，預先剪開一細件幾方便。😋🦐自家製蝦蟹棗第一次食蝦蟹棗，入面有蝦膠同蟹肉，蝦膠好彈牙，配埋泰式甜酸醬好夾。😛🍚新潮XO醬海鮮炒飯有好多海鮮，加埋XO醬炒好鹹香惹味，飯粒分明，炒得好乾身唔錯。🥬金銀蛋浸時蔬可以選擇蔬菜底，我就叫咗西蘭花🥦 西蘭花好爽口，鹹蛋同皮蛋份量好多，好抵食。🐟魚肚豆腐羹最後仲叫咗個魚肚豆腐羹，一大窩一定夠5-6人食🤣 好多魚肚好足料。