新潮樓 (Closed)

今日約咗朋友一齊響德福廣場shopping，然後佢特登帶我坐Shuttle Bus嚟到九龍灣國際展貿中心去食一間佢食過覺得好好食嘅潮州中菜館食晚飯。嚟到中菜館門口，個入口好靚好大，入面裝修大方。我哋都好肚餓，兩個人都叫咗好多嘢食。招牌吊燒雞（半隻）燒雞好靚，顏色好均勻亮麗，一睇就知道係皮脆肉嫩，果然食落冇令我哋失望。雖然係半隻份量，但係隻雞應該好大隻，所以半隻都好多。碧綠川椒蝦球蝦球爽口彈牙，川椒醬汁，微辣，越食越開胃。XO醬一口牛柳粒炒得好有鑊氣， XO醬惹味，牛柳粒好腍，配合埋吸入咗XO醬汁嘅杏鮑菇，呢個菜式好適合佐飯。蠔仔肉碎粥嚟到潮州菜館點可以唔食蠔仔粥呢，呢個蠔仔粥好鮮味，勁多隻隻飽滿嘅蠔仔，蠔仔好嫩滑，無沙，好新鮮，成個粥好鮮甜。加上有好多配料，有好多肉碎，蝦米，菜圃，仲有好多芫荽，令到個粥口味一啲都唔單調，層次豐富。一大窩，我哋兩個大食鬼都食晒。椒鹽白飯魚呢個白飯魚炸得好香口，條條白飯魚都好大條，椒鹽味好香，鹹香味適中，佐酒一流。福果芋泥食完咁多個菜式其實已經好飽，但係我哋實在好想食呢個潮州甜品，所以嗌咗一過嚟兩個share食。芋泥真材實料，每一口都是芋頭香，香滑綿密，加