Cafe Wellcome x BBQ Place (Closed)

餐廳位置於九展，啱曬附近d 上班族。餐廳面積頗大，有室內同室外。如果想BBQ可以坐到室外，嘆冷氣又可以坐入面。一次過滿足曬你既願望。晚餐來坐室內幾乎係包場，提供一個舒適安靜既環境。菜單有8款套餐可選，包括沙律、餐湯、主食、甜品同埋一杯嘢飲。餐廳每個禮拜都會更換餐單，幾有心思。今次既沙律係薯仔沙律配蒜蓉包，餐湯係花生雞腳湯。呢度既餐湯係中西每日輪流轉，而今日既餐湯係花生雞腳湯。個蒜蓉包好香脆可口，覺得硬嘅話可以浸下d湯，別有一番風味。意式肉丸焗薯蓉個份量幾大，肉丸有成8粒咁多，以番茄醬做底汁。薯蓉壓得特別軟，完全食唔到一粒粒。炸魚配薯條分別伴住蕃茄醬同埋沙律醬。炸魚嘅炸粉好薄，裏面既魚好鬆軟，有外脆內軟嘅效果。加埋d沙律醬好似去左英國食咁。Movenpick & Haagen Dazs雪糕食客可以憑券去甜品櫃度攞雪糕，兩隻牌子都有好多口味供選擇。