屏山傳統盆菜

Open Now

Now Closed

個小盆菜入面有豬皮蘿蔔枝竹仲有豬腩肉，南乳味好香濃，不過可能太心急就開始食所以豬皮同埋枝竹唔係好入味，反而到到最尾啲豬肉真係入晒味好好食。椰子雞湯同埋陳皮鴨湯之間我哋揀咗陳皮鴨湯，味道唔錯，隻鴨好大隻。我哋揀咗黃酒雞，都幾香甜，雞肉都算嫩滑。呢個芋頭鴨味道都OK，唯一缺點係個芋頭好鹹，但係鴨肉嘅味道又OK喎。雞汁炆花菇好食，花菇好厚肉好入味。子薑菠蘿個子薑好味，好Fresh，當清一清個喉嚨都唔錯。魚肉丸有驚喜，食落就知應該係自家製，好鮮味。炸金蠔味道都唔錯，咬落去幾脆口。揀咗最貴嗰個餐所以有豬肚馬蹄炆鮑魚，我自己就覺得一般。