龍泉冰室 (Closed)

夜晚晚黎左九龍城行完街順便食宵夜，呢間餐廳有好多款小菜，餐牌中西合璧，我地坐左响卡位，餐廳座位都幾多闊落，好多人都叫外賣，仲有湯飲，餐廳煲左紅蘿蔔老火湯，湯好濃郁，我地叫左一份常餐，沙爹牛肉麵我轉左通粉，好大碗，仲有火腿奄列好大塊入面好多火腿絲配埋勁厚既厚多士塗埋牛油，仲叫左碟黑椒牛扒飯，牛扒好大塊，飯既份量好多，另外，叫左椒鹽豬仔骨好多塊，飲品揀左懷舊既涼粉冰，椰奶味重，涼粉都幾多，同埋一杯奶茶。