三和敘

Open Now

Now Closed

九龍城除咗有好多泰國菜，仲有各式各樣嘅特色餐廳。呢日經過福佬村道，見到有間裝修非常日系嘅日本餐廳，一於試試！🏮秋刀魚刺身第一次食秋刀魚刺身，出奇地鮮味！銀色魚皮，色澤亮麗，肉質軟腍有彈性，入口魚脂魚香十足！🏮炭燒鮮番茄番茄燒得啱啱好，十分juicy，配上沙律醬同昆布汁，酸酸甜甜，好醒胃。🏮日本阿波尾雞翼阿波尾雞嚟自日本四國東部德島縣，係用走地放養嘅天然形式飼養，雞肉肉質有彈性，脂肪含量較低。燒香過後，雞皮香脆薄滑，肉質嫩滑彈牙，肉汁豐富。🏮美國安格斯薄燒薄切安格斯牛裡面包住大量蔥花同炸蒜，牛味香濃，餡料惹味！伴碟有海鹽同金山麵豉可以選擇，兩種都各有風味。🏮天婦羅蕎麥麵天婦羅炸得金黄，炸漿薄薄一層，唔油膩，而且非常鬆化酥脆；蕎麥麵帶住滿滿嘅蕎麥香，麵質煙韌彈牙。