台灣牛肉麵 (Closed)

夜晚去九龍城搵朋友攞嘢，攞完野順便喺附近搵食，盲中中嚟咗呢間台灣牛肉麵，第一次來食嘢。星期日晚黎都冇乜人，我哋兩個大人一個細路，即刻有位唔洗等。唔覺佢哋有卡位，但係竟然有BB櫈，都算幾好啦。我哋叫咗個二人套餐，燒排骨燒到過咗龍，好un呀，賽螃蟹好食，湯米線、雞絲粉皮、粟米湯都唔差，跟餐仲有一個滷肉飯架，不過太好味，比我老公食晒了，所以影唔到相，哈哈哈。最後落樓$250，晚餐黎講算抵食，雖然係二人餐，但係我哋兩大一細都夠食。環境唔差，坐得幾鬆動。