富寶會所私房菜

Open Now

Now Closed

Happy Friday食乜好😋梗係要拆返餐，好好慰勞自己辛勞工作咗成個星期！一早book咗位去九龍城嘅富寶會所私房菜，有齊粵菜又有潮州菜！可以提前預訂海鮮，啱晒同成班朋友收工去掃返餐勁嘅！今晚一大班人叫咗好多個餸，食得超滿足，特別推介以下兩款菜式～碧綠炒海斑球新鮮碧綠大大件西蘭花爆炒海斑球，一上枱香噴噴，賣相吸引！海斑球炒至金黃香脆，入口肉質爽彈，鮮味十足！避風塘炒蟹面頭鋪滿甘香脆口嘅蒜粒，蟹肉鮮香味濃仲好彈牙，帶點微辣特別滋味！臨走前店員仲話原來餐廳有包場包房服務，又有麻雀打，仲可以提早聯絡餐廳自訂語句展示於餐廳大型屏幕，下次同屋企人慶生都可以考慮吓呢度！