小店

Open Now

Now Closed

Dining time（2:55pm late lunch）follow@wojengyea/@wo!正嘢 for more food info🐒 支持我哋發掘更多美食 😋以前喺九龍城做嘢，同事好鍾意嚟，嚟過一次印象唔太深刻，今次再試真啲。粟米蘑菇忌廉湯🌽🍄飲落晤似罐頭🥫嘢，淡淡地幾好飲，但唔夠熱。香煎豬扒🍖拼珍寶腸（洋蔥汁）配飯。首先要講吓個擺盤，有好多蔬菜，雖然只係冰鮮三色豆🥕🌽，但一眼望落去balance番塊豬扒同埋珍寶腸，感覺冇咁膩。再試個洋蔥汁，食得出係自己加洋蔥煮出嚟，唔太鹹好鮮味🧅 塊豬扒煎得幾靚，表面有少少烤焦燶幾香，應該冇落鬆肉粉，但捶塊豬扒時間唔夠，肉咬落有啲實，唔夠淋同鬆化。珍寶腸唔係脆皮嗰隻，只係廚師腸粗大版，麻麻哋。茶水食到咁上下佢會好窩心咁拎杯熱飲俾你，不過杯嘢係暖嘢。。。最怕就係飲到一杯微暖嘅奶茶，真係好難頂。🤢九龍城其實好多選擇，嚟一次試吓無妨。留意👀 午市時段收現金，每位最低消費$50。