杏香園 (Closed)

喺宋王臺地鐵站行出嚟，就會見到對面馬路有間糖水舖，已經Mark實食完晚飯會過去食下糖水😝原來呢間糖水舖仲會有其他主食，餃子啊沙律啊，甚至飯類麵類都有～三個人一起吃胖胖，一人一碗糖水!香芋椰汁西米有別於其他糖水舖，呢間啲香芋切到好細粒，我幾鍾意呢啲size，連埋好香濃嘅椰汁配西米，my favorite🥰口感好滑呀~芒果椰汁西米涼粉好大碗好大碗，粒粒芒果配涼粉西米，三重滋味，口感豐富～白果腐竹水我朋友話佢好鍾意食白果(?)😂😂店員話今日白果冇貨，令到朋友有啲失望佢照嗌咗呢款糖水，變咗齋腐竹，不過不失吧~依間糖水舖嘅價錢中規中矩，不過份量都幾足料，有機會會再encore☺️