The Yell-Owl Seafood And Grill (Closed)

九龍城既The yell owl seafood and grill感覺幾好，環境舒服，店員都有heart, 所以黎九龍城唔一定食泰菜，食西餐都係好選擇。海鮮拼盤選擇3款就$218, 北海道松葉蟹腳，鮑魚，帶子！選了乾蔥大蒜忌廉為醬汁，撈起食得！乾蔥大蒜忌廉非常到位，唔會太濃，creamy得黎既味道提升左海鮮既味道，但又唔會搶風頭！鮑魚雖然細隻 d, 但係勝在夠彈牙，煙煙韌既感覺好正。帶子2邊表面煎香，大隻厚切夠綿密，蟹腳多汁鮮甜，相當新鮮，下層為沙律菜，醬汁加持成件事好正。自家製芝士墨西哥粟米片配牛油果醬酸忌廉，又係 good mix and match, 自家製既醬汁唔會太膩，脆片keep到脆口，醬既質地夠綿，味道creamy入味。Set dinner紐西蘭肉眼配意式香草燒雜菜，5成熟既肉眼時間拿捏得好好，內層還帶微粉紅，質地緊緻又帶彈性！而且牛味都算濃，賣相擺盤幾吸引令食慾大增！set既餐湯，沙律都係用心製作，幾高質！仲有draft beer可以叫下小食吹下水幾chill.