富寶會所私房菜

Open Now

Now Closed

九龍城泰國嘢食得多，但係私房菜真係第一次，生日飯局朋友今晚book呢間《富寶會所私房菜》黎個海鮮餐（海鮮最好提前同餐廳預訂），一入到去已經見到餐廳大螢幕寫咗朋友個名同埋祝福字句，氣氛一流，而且有麻雀枱提供🥢白灼赤米蝦赤米本身就有濃濃嘅蝦味，多數食到嘅赤米蝦都係細細隻，食完都好似唔夠喉，不過今次呢隻赤米比平時大，蝦肉鮮甜彈牙，每一隻都鮮美豐滿，肉質飽滿，赤米蝦嘅特色之一就係嗰啲赤色紋路，唔單止美觀，仲代表住新鮮度同埋質素，呢一個好滿足🥢招牌白切雞果然招牌，上枱時色澤鮮白誘人，蒸得啱啱好，食落感受到肉質嘅鮮嫩滑囉彈牙口感，而且雞皮下的一層薄薄嘅油脂唔會over 入口更香雞味🥢清蒸海東升班蒸魚火候囉時間好緊要，呢條海東升火候掌握得啱啱好，保持咗鮮甜嘅味道，海東升新鮮魚肉鮮嫩，肉質緊緻唔會柴，魚皮軟嫩，加咗熟油豉油都唔會有油膩感