金泰皇泰國菜館

Open Now

Now Closed

今次去咗九龍城搵泰國菜，畀我喺南角街搵到一間相當正宗嘅泰國餐廳頭盤小食拼盤拼盤入面有炸蝦餅、雞翼、串燒同埋春捲，炸蝦餅外皮金黃脆卜卜，蝦肉鮮甜彈牙；串燒醃得入味，仲有燒烤獨特香氣；春捲包得紮實，脆卜卜，真係食到停唔到口。海南雞飯呢碟海南雞飯雞肉滑溜嫩口，啲皮仲帶有少少膠質，醬料仲有少少甜辣，非常加分。馬拉盞炒通菜通菜炒得火喉剛好，唔會過熟爛晒，仲帶少少爽口。馬拉盞嘅香味非常突出，夠惹味但又唔會太鹹。酸辣鳳爪酸辣鳳爪嘅味道好搶，酸辣中又帶有少少清甜，鳳爪十分爽脆，咬落唔會過硬，食完真係非常開胃！蒜蓉包蒜蓉包香氣四溢，啲蒜蓉鋪得滿滿，脆口嘅麵包再加埋少少牛油香，一食就停唔到手。椰汁西米糕最後甜品梗係要嚟一個椰汁西米糕，西米都非常彈牙，椰汁味濃郁總結呢間泰國餐廳真係值得一讚，無論係頭盤定係主菜都好有水準，下次一定會再嚟試埋其他菜式！