同撈同煲小食店

Open Now

Now Closed

而家個個都講九龍城寨套電影，今日我終於嚟九龍城行下。見到呢間充滿舊香港特色的地舖🤩🤩淨係睇門呢個風格，已經好啱我今日個feel❤️ 原來呢一間係小食店，食物嘅價錢唔係好貴。而且選擇都非常之多，平時見到嘅街邊的小食呢度都有！老闆娘推薦我食，大小姐艇仔粉！下圖個碗就係喇！艇仔粉超級足料，味道方面都唔錯。如果可以多啲炸魚片就更加好了，因為我好中意食炸魚皮。另外湯底應該係用魚去煲，幾鮮甜。最後叫左個糖水試下，叫咗個腐竹雞蛋糖水。糖水唔會太甜，甜度啱啱好。整體來說這間小食店，環境乾淨企理，如果大家路過九龍城可以一試！