蘭英印尼小食 (Closed)

既然去開九龍城買tong wong蛋糕，於是同朋友順路行多兩步，去左蘭英印尼小食店吃串燒~小店附近有條巷仔，放左3張小摺桌, 好有懷舊特色。我叫左一串豬頸肉! 店鋪老闆收到order，即叫即燒; 等左幾分鐘就有熱辣辣嘅豬頸肉食! 豬頸肉一串有四件, 燒得好香而且十分爽口，再加埋d沙爹汁，真系好味到停唔到口!!呢間小店最出色既就系老闆秘製嗰個沙爹醬，分小辣和大辣，我驚太辣，自己頂唔順，於是試住個小辣先….. 辣得黎之餘亦食到有細細粒既花生粒，好有口感，而且又香又濃，吃得好過癮...好spicy!!!! 下次去開九龍城既朋友一定要試下呢間既串燒小食。