Video
Read full review
2018-12-15
116 views
九龍城出名食泰國菜，泰國餐廳林林總總，呢間位置遠少少，但同其他泰國餐廳唔同，裝修係比較新，環境舒服乾淨。之前生日嘅時候朋友都帶過我黎食，覺得好好食，今次知道有$1菜，梗係要嚟食多次！星期四嘅$1菜係飛天通菜，每日嘅$1菜都唔同，而且都好吸引！例如有烏頭魚，炸蝦餅，黃咖喱雞，炸豬扒，鳳爪沙律，絕對唔係hea野今次我哋兩個人，嗌咗個通菜，蒜蓉包，咖喱蝦，椰青飯同埋兩杯嘢飲。焗蒜蓉包 $37本身對蒜蓉包冇乜太大期望，都係諗住當配菜咁食。點知食落同出面嗰啲完全唔同，超級香脆！真係真係好脆，而且又香蒜蓉味，正！泰皇咖喱炒大蝦 $178黎到有啲嚇親，超大碟！有兩隻蝦，每隻分做兩件，食落好方便。咖喱唔會辣，但係好香，入面都見到用咗好多材料，例如洋蔥，芫荽，應該仲落咗蛋，所以食落好香好滑。蝦就正常，唔算大隻但係都新鮮。我哋用咖喱配埋蒜蓉包食，一流！椰青焗海鮮飯 $99未食都流晒口水，個樣超靚超吸引。上面有一浸椰汁嘅醬，好rich椰子味同好creamy，鍾意食椰子味嘅朋友一定要試。估唔到椰子配落啲海鮮係咁夾。而且海鮮份量都唔少！入面嘅飯係乾身，都好有椰香，而且重點係塞到滿晒，分量超多飛天通菜 $60有少
之前生日嘅時候朋友都帶過我黎食，覺得好好食，今次知道有$1菜，梗係要嚟食多次！
星期四嘅$1菜係飛天通菜，每日嘅$1菜都唔同，而且都好吸引！例如有烏頭魚，炸蝦餅，黃咖喱雞，炸豬扒，鳳爪沙律，絕對唔係hea野
今次我哋兩個人，嗌咗個通菜，蒜蓉包，咖喱蝦，椰青飯同埋兩杯嘢飲。
焗蒜蓉包 $37
蒜蓉包
4 views
0 likes
0 comments
本身對蒜蓉包冇乜太大期望，都係諗住當配菜咁食。點知食落同出面嗰啲完全唔同，超級香脆！真係真係好脆，而且又香蒜蓉味，正！
泰皇咖喱炒大蝦 $178
泰皇咖喱炒大蝦
5 views
0 likes
0 comments
黎到有啲嚇親，超大碟！有兩隻蝦，每隻分做兩件，食落好方便。咖喱唔會辣，但係好香，入面都見到用咗好多材料，例如洋蔥，芫荽，應該仲落咗蛋，所以食落好香好滑。蝦就正常，唔算大隻但係都新鮮。我哋用咖喱配埋蒜蓉包食，一流！
椰青焗海鮮飯 $99
椰青焗海鮮飯
7 views
0 likes
0 comments
未食都流晒口水，個樣超靚超吸引。上面有一浸椰汁嘅醬，好rich椰子味同好creamy，鍾意食椰子味嘅朋友一定要試。估唔到椰子配落啲海鮮係咁夾。而且海鮮份量都唔少！入面嘅飯係乾身，都好有椰香，而且重點係塞到滿晒，分量超多
飛天通菜 $60
飛天通菜
5 views
0 likes
0 comments
有少少辣，不過辣得過癮，好入味，菜又新鮮，$1真係超級抵！！
我嗌左杯椰汁三色冰，朋友就叫青檸梳打。
椰汁三色冰啲椰汁好似冇溝過水咁，超重椰汁味，好香好滑，食完辣野飲番啖真係好正又解辣！不過佢入邊啲三色冰我就第一次試啦，係硬身嘅椰子肉，幾特別。
成餐飯都唔使$400，食到好飽，真係齒頰留香😂。老實講呢間啲泰國菜真係好好食，朋友都係咁讚！而且喺九龍城泰國餐廳環境咁靚坐得咁舒服嘅呢間真係數一數二！就算冇$1菜都會encore
Post
