蘭英印尼小食 (Closed)

九龍城呢間蘭英串燒非常出名，但係好早就閂門或者賣晒，平日夜晚放工時間真係唔使諗。趁着weekend嚟到九龍城梗係要食串燒 其實差唔多每一隻肉我都試過，最鍾愛都係墨魚丸！大大粒花枝丸超彈牙，燒過之後個皮脆卜卜，咬落仲食到入邊有一粒粒嘅魷魚，而且一啲都唔痴牙，唔會話攝咗落牙罅。重點係佢個秘製沙嗲醬汁，濃郁嘅沙嗲有非常香濃嘅花生味，會食到有少少碎碎嘅花生粒，佢嘅鹹香同花枝丸真係絕配！食串燒最緊要係個醬汁，我會評選呢間真係我食過最正嘅！呢間小店由兩夫婦打理從不假手於人，真係好希望永遠都繼續食到呢種美味！