Video
Read full review
2023-12-17
18 views
Weekend去咗九龍城，都知呢區多好嘢食，揀咗好耐最後決定食呢間日式居酒屋😆餐廳的裝修好有日式風情，又不停播住日文歌，感覺好似去咗日本咁🥰見到佢的定食好似好吸引，所以就點咗兩款一齊開心share🤣超級厚滑蛋吉列豬扒丼 $108好難得見到咁厚切的吉列豬扒，應該有一寸厚，上枱時都嘩咗一聲。豬扒肉質厚實，肉味濃郁，炸皮酥脆，食落好滿足😌豬扒底下有椰菜絲同蛋絲，感覺中和返豬扒的油膩。滑蛋係分開另上，滑蛋有好香濃的醬汁味道，送飯一流，洋蔥同菇菇都煮得好香。豬扒同滑蛋mix埋都好正，豬扒變得更鬆軟，更juicy，味道同口感都變得更豐富。超級天婦羅吉列蝦丼 $128隻蝦好大隻，仲要有五隻咁多，單係賣相都已經好吸引🤩蝦肉食落彈牙，天婦羅麵衣都好香口，食得好快樂😆除咗蝦，仲有紫蘇葉同紫菜的天婦羅。我都係第一次食紫蘇葉天婦羅，食落唔會好乾，味道好香，食落都幾清爽。紫菜好香脆，就咁食都好好食。天婦羅底下有一層粉紅色天婦羅碎麵衣，粉紅色睇落勁吸引😍食落好香脆，撈埋飯食口感都特別，唔錯👍🏻定食有跟沙律，前菜同味噌湯，午市點仲有埋汽水。沙律落咗芝麻醬，中規中矩，正常發揮啦。前菜係八爪魚軟骨，呢款要讚，好好味😋八
Weekend去咗九龍城，都知呢區多好嘢食，揀咗好耐最後決定食呢間日式居酒屋😆餐廳的裝修好有日式風情，又不停播住日文歌，感覺好似去咗日本咁🥰
見到佢的定食好似好吸引，所以就點咗兩款一齊開心share🤣
超級厚滑蛋吉列豬扒丼 $108
好難得見到咁厚切的吉列豬扒，應該有一寸厚，上枱時都嘩咗一聲。豬扒肉質厚實，肉味濃郁，炸皮酥脆，食落好滿足😌豬扒底下有椰菜絲同蛋絲，感覺中和返豬扒的油膩。
滑蛋係分開另上，滑蛋有好香濃的醬汁味道，送飯一流，洋蔥同菇菇都煮得好香。豬扒同滑蛋mix埋都好正，豬扒變得更鬆軟，更juicy，味道同口感都變得更豐富。
超級天婦羅吉列蝦丼 $128
隻蝦好大隻，仲要有五隻咁多，單係賣相都已經好吸引🤩蝦肉食落彈牙，天婦羅麵衣都好香口，食得好快樂😆除咗蝦，仲有紫蘇葉同紫菜的天婦羅。我都係第一次食紫蘇葉天婦羅，食落唔會好乾，味道好香，食落都幾清爽。紫菜好香脆，就咁食都好好食。
天婦羅底下有一層粉紅色天婦羅碎麵衣，粉紅色睇落勁吸引😍食落好香脆，撈埋飯食口感都特別，唔錯👍🏻
定食有跟沙律，前菜同味噌湯，午市點仲有埋汽水。
沙律落咗芝麻醬，中規中矩，正常發揮啦。
前菜係八爪魚軟骨，呢款要讚，好好味😋八爪魚軟骨口感非常爽脆，透明的位睇落晶瑩通透，感覺好新鮮，味道有食到微微的醋酸味，應該係醋漬，食落好清爽好開胃。
味噌湯竟然有兩隻蛤同兩隻蝦，好足料呀！蝦食落爽口彈牙，蛤都好飽滿結實，仲有好多豆腐粒，正呀😍
本來叫兩個定食都好夠，但佢其他菜式實在太吸引，又忍唔住再點😆
北海道海膽手卷 $108
一見到海膽就忍唔住要叫😏海膽味道真係好鮮味，好濃郁，口感又軟又滑，再配埋青瓜，海膽味道更鮮更突出，真係味蕾大滿足😌
鐵板豆腐 $58
呢款豆腐要好小心慢慢食，因為豆腐熱辣辣，我都差d燙到脷🤣豆腐外脆內軟，仲淋滿醬汁，加埋蔥花，味道好濃郁好好食🥰
雞頸肉 $22
豬頸肉食得多，雞頸肉都係第一次食，味道都真係唔錯，食到好香的油脂味，口感夠哂彈牙，如果唔係太飽我都會想翻兜再叫多一串🤣
牛舌 $64
一擺入口就食到好香的黑椒味，口感都幾爽口彈牙，唔會好硬，都好易咬開，唔錯。
明太子蓮藕 $22
未食過燒蓮藕，咁就點一串試吓。蓮藕非常爽脆，食落嗦嗦聲，但又唔會好硬，明太子有少少辣，但好惹味，同蓮藕都幾夾喎。
田樂茄子 $22
茄子吸收哂醬汁的味道，食落甜甜哋，口感又腍又滑，好食。
黑糖菠蘿 $18
最後點份菠蘿當做甜品，食落非常香甜，好juicy好多汁，焦糖位燒得又香又脆，呢份菠蘿真係必食之選😍
上戶酒場 (九龍城)
九龍城龍崗道33-39號龍翔閣地下A號舖
*上述文章只供參考及以當時價格為準
Post
