Video
Read full review
2021-09-15
106 views
係呢個西式甜品、港式雜錦糖水盛行既年代，傳統中式糖水店續漸地式微。潮州合成糖水就係其中一間依然堅持用老方法，專心製作潮式糖水既老鋪。.合成甜品已經有超過50年歷史，初初係深水步開店再搬到九龍城現址。糖水店以佢地既蓮子最為出名做主打招徠。老闆用左傳統方法去全人手處理蓮子，再用冰糖長時間熬煮，完全做到口感綿密既效果，所以有香港「蓮子大王」既美喻。.糖水店係最傳統舊式裝修，檯面同牆身全部貼哂佢地唔同既報導，中文日文字都有，可見佢地既受歡迎程度。糖水款式多到令人花多眼亂，我用左極多時間去消化先決定到食咩。.大部份糖水都係用三款以上既傳統中式糖水配料配搭，叫邊款好睇個人口味。就算餐牌無，我覺得應該可以任意自行配搭。.糖水配搭：蓮子、清心丸、雪耳、百合、腐竹、柿餅、綠荳邊、薏米、馬蹄沙、西米等再配熱或凍食 (店員極力推薦熱食先食得出個風味).蓮子雪耳元肉燉百合 加 清心丸 約💲55⭐️4.2/5無睇簡介同無做任何背景研究，純跟朋友坐低搵食既情況下依個人興趣點左呢款，極少食中式糖水既我對呢個出品有驚喜。🥇VVIP果然係蓮子！本身唔多食呢種粉狀豆豆類既野，只係俾面「蓮子大王」呢四個字試下。蓮子唔係一般食
.
合成甜品已經有超過50年歷史，初初係深水步開店再搬到九龍城現址。糖水店以佢地既蓮子最為出名做主打招徠。老闆用左傳統方法去全人手處理蓮子，再用冰糖長時間熬煮，完全做到口感綿密既效果，所以有香港「蓮子大王」既美喻。
.
糖水店係最傳統舊式裝修，檯面同牆身全部貼哂佢地唔同既報導，中文日文字都有，可見佢地既受歡迎程度。糖水款式多到令人花多眼亂，我用左極多時間去消化先決定到食咩。
.
大部份糖水都係用三款以上既傳統中式糖水配料配搭，叫邊款好睇個人口味。就算餐牌無，我覺得應該可以任意自行配搭。
.
糖水配搭：蓮子、清心丸、雪耳、百合、腐竹、柿餅、綠荳邊、薏米、馬蹄沙、西米等
再配熱或凍食 (店員極力推薦熱食先食得出個風味)
.
蓮子雪耳元肉燉百合 加 清心丸 約💲55
⭐️4.2/5
無睇簡介同無做任何背景研究，純跟朋友坐低搵食既情況下依個人興趣點左呢款，極少食中式糖水既我對呢個出品有驚喜。🥇VVIP果然係蓮子！本身唔多食呢種粉狀豆豆類既野，只係俾面「蓮子大王」呢四個字試下。蓮子唔係一般食過已經煮到爛或溶哂既版本，蓮子真係接近大大粒原粒呈現。口感確如坊間評論所言咁綿軟。🥈第二個VIP係店員建議後加既清心丸，未叫之前都唔係太清楚咩係清心丸只係見好多檯都有叫。原來清心丸係潮州特產，用左潮州獨有既「城鵝粉」製作，外表似係細細粒透明既小啫喱咁，口感煙韌有少少似食麻糬咁。其他配料四平八穩，糖水微暖，成件事係正評。
蓮子百合柿餅加湯丸 約💲44
⭐️3.8/5
為左試多少少款式，第二碗叫左有百合同柿餅既版本。湯丸雖然只有兩粒但尺寸係 King Size。柿餅用黎做糖水配料我都係第一次食，口感似食芒果乾條咁，應該都係潮州地道食法。
.
總結：合成既蓮子糖水有驚喜，本身只係打算堂食但食完都忍唔住再外賣一碗俾屋企人試下。如果再經過會係有encore系列。
.
不專業食評nei.foodie
蓮子雪耳元肉燉百合 加 清心丸
23 views
0 likes
0 comments
蓮子百合柿餅加湯丸
15 views
0 likes
0 comments
Post
