Video
Read full review
2017-12-28
65 views
雖然短暫嘅聖誕假期就已經完結左，但同朋友嘅聚會係未完的，今日收工黎到九龍城食飯，都好方便我地幾個。我地幾個就唔係黎食泰國菜，反而就揀左呢間火鍋店，應該唔係開左好耐，但網上評語幾好架，加上我地身邊都已經有朋友黎過，我地決定都試下。雖然係假期後首日，仲係平日，火鍋店位置唔多，接近8成入座，所以如果週六日黎，都最後book位喇店內位置唔多，但枱櫈間都唔會話好密麻，坐得舒適。佢地其中一樣招牌就係98蚊位嘅海鮮拼盤，所以見到店門外都有好多生猛海鮮。咁我地略略睇過餐牌，選擇都幾多，湯底有成2X款，價錢唔貴，最靚料嘅花膠雞同人蔘雞都係288，而大部分其他湯底係百零蚊配料有肉、丸、餃、海鮮、小食、刺身、蔬菜、麵食等，價錢唔貴，人均二百蚊左右，個人認為幾抵食。如果黎到九龍城唔想食泰菜，可以試下。首先點左個【胡椒豬肚雞鍋】，我地四個人，點左半隻啫，因為雞嘅份量頗多，除非唔想食太多其他配料。基本上半隻份量好足，點一隻可能會太飽。胡椒豬肚雞湯好快上枱，湯底好吸引！因為湯底好足料啊，除左半隻雞、大量豬肚，仲有豆卜、芽菜、粟米、冬菇、蘿蔔片，勁抵食最正係裡面仲加左酸菜，酸菜入味，煲到個湯好出味，加埋胡椒辣辣地，又
店內位置唔多，但枱櫈間都唔會話好密麻，坐得舒適。佢地其中一樣招牌就係98蚊位嘅海鮮拼盤，所以見到店門外都有好多生猛海鮮。
咁我地略略睇過餐牌，選擇都幾多，湯底有成2X款，價錢唔貴，最靚料嘅花膠雞同人蔘雞都係288，而大部分其他湯底係百零蚊配料有肉、丸、餃、海鮮、小食、刺身、蔬菜、麵食等，價錢唔貴，人均二百蚊左右，個人認為幾抵食。如果黎到九龍城唔想食泰菜，可以試下。
首先點左個【胡椒豬肚雞鍋】，我地四個人，點左半隻啫，因為雞嘅份量頗多，除非唔想食太多其他配料。
基本上半隻份量好足，點一隻可能會太飽。胡椒豬肚雞湯好快上枱，湯底好吸引！
因為湯底好足料啊，除左半隻雞、大量豬肚，仲有豆卜、芽菜、粟米、冬菇、蘿蔔片，勁抵食
最正係裡面仲加左酸菜，酸菜入味，煲到個湯好出味，加埋胡椒辣辣地，又暖胃又好飲，一人飲番兩碗先加湯打火鍋。
之後我地淥嘅配料都好入味，特別係豆卜、菜呢類，好食！雞肉半身非常肥美，要留意時間，否則會鞋。呢個湯底先148蚊咋
牛肉方面我地點左【頂級手切牛】/大，一份238蚊，質素非常好，因為我地四人，就點左碟大嘅，牛肉唔算好多片，但切得好大塊，而且好明顯係手切成。牛肉唔會話太薄身，淥一淥就已經食得，牛味雖然唔係十分之濃郁，但口感嫩腍，油花咁靚都抵番哂啦
上次朋友就試過呢度嘅丸類，就話好好食，於是我地都跟風點左兩款。呢度嘅手打丸有蝦丸、墨魚丸、牛丸、豬肉丸，定價48-88蚊，可以加10蚊配上黑松露、白松露、芝士、麥提莎，配搭新奇。
我地點左【手打鮮蝦丸加芝士】、【手打墨魚丸加麥提莎】，丸類脹卜卜又大粒，好有黏性。蝦丸嘅芝士味好濃郁，一咬就必出黎，蝦味都好出又爽口，一食就知新鮮足料墨魚丸加左麥提莎估唔到都冇乜違和感，首先墨魚丸依然都好彈牙，麥提莎大約係四份一粒，淥熟後輕輕一督，已經見到啲朱古力必出黎，食落就係麥提莎味，甜甜地，比想像中好食，唔怪嘅，亦唔會影響墨魚丸本身嘅味道。麥提莎嘅餡里為煮熟左，食落就唔脆喇。如果黎到鐘意試啲新奇、有創意嘅野，可以點黎試下。
其他配料我地著量點左啲，【粟米餃】新鮮包起，都幾大粒，唔餃皮薄身冇粉感，豬肉肥瘦佔半，加埋粒粒粟米，幾有口感。【魚皮餃】一碟10粒，價錢唔貴，係正常魚皮餃。【潮洲魚蛋】38蚊有十幾粒，細細粒，幾抵食。【台灣黑椒腸】38蚊都係有10條，抵食啊，好似芝士腸咁嘅size，外皮幾脆，腸仔唔會太肥。
【炸響鈴】、【油麥菜】、【手打烏冬】
醬油、前菜
【自家製菊花茶】28蚊，抵。
Post
