Video
Read full review
2023-06-22
114 views
屯馬線開通之後，偶然都會去九龍城搵食！除咗泰國嘢之外，呢幾年原來進駐咗唔少高質嘅日本居酒屋。Happy Friday！同事就帶我哋去食呢間海鮮都係由日本直送嘅居酒屋，刺身新鮮肥美超大件，🥰真係好正呢！呢間居酒屋喺宋王臺B出口出，行 5分鐘左右就到。🪵門口同內部都係木系裝修，枱係可以自己組合，隨時變成幾張大枱，入到去就有幾枱日本大叔喺度收工啤一啤，超有氣氛！🥕野菜條伴鯷魚醬 $32一開始少少哋叫咗個前菜食住先！蘿蔔、青瓜切成一條條，其實有啲似兔仔食糧，哈哈～不過重點係旁邊用火爐仔熱住嘅鯷魚醬，鯷魚醬加咗沙甸魚同多春魚，鹹香十足。沾爽甜嘅野菜條食，絕對衝擊味蕾，送酒一流！🍏松葉蟹肉青蘋果蟹籽沙律 $118爽甜嘅青蘋果絲配上滿滿嘅蟹籽同松葉肉，入口清新又帶有卜卜口感，夏天就係要食啲開胃嘢！🦪仙氣町生蠔 $196/2生蠔喺宮城縣仙氣町直送嘅～手掌咁大，肉質爽身，厚肉肥美，而且十級鮮甜！🐟刺身盛合(五款) $348刺身盛合嘅刺身都係新鮮從日本空運到港，有啲咩都係每日由廚師自己決定。今次就有赤鯛、油甘魚、三文魚、吞拿魚腩同埋帶子。每件都切得勁厚身，肥美新鮮啖啖肉！當中嘅吞拿魚腩油脂十足，就算厚切都
呢間居酒屋喺宋王臺B出口出，行 5分鐘左右就到。🪵門口同內部都係木系裝修，枱係可以自己組合，隨時變成幾張大枱，入到去就有幾枱日本大叔喺度收工啤一啤，超有氣氛！
野菜條伴鯷魚醬
$32
3 views
0 likes
0 comments
🥕野菜條伴鯷魚醬 $32
一開始少少哋叫咗個前菜食住先！蘿蔔、青瓜切成一條條，其實有啲似兔仔食糧，哈哈～不過重點係旁邊用火爐仔熱住嘅鯷魚醬，鯷魚醬加咗沙甸魚同多春魚，鹹香十足。沾爽甜嘅野菜條食，絕對衝擊味蕾，送酒一流！
松葉蟹肉青蘋果蟹籽沙律
$118
2 views
0 likes
0 comments
🍏松葉蟹肉青蘋果蟹籽沙律 $118
爽甜嘅青蘋果絲配上滿滿嘅蟹籽同松葉肉，入口清新又帶有卜卜口感，夏天就係要食啲開胃嘢！
仙氣町生蠔
$96
2 views
0 likes
0 comments
🦪仙氣町生蠔 $196/2
生蠔喺宮城縣仙氣町直送嘅～手掌咁大，肉質爽身，厚肉肥美，而且十級鮮甜！
刺身盛合(五款)
$348
2 views
0 likes
0 comments
吞拿魚腩
1 views
0 likes
0 comments
三文魚
2 views
0 likes
0 comments
🐟刺身盛合(五款) $348
刺身盛合嘅刺身都係新鮮從日本空運到港，有啲咩都係每日由廚師自己決定。今次就有赤鯛、油甘魚、三文魚、吞拿魚腩同埋帶子。每件都切得勁厚身，肥美新鮮啖啖肉！當中嘅吞拿魚腩油脂十足，就算厚切都入口即溶；而赤鯛爽身鮮甜，完全無筋；帶子亦都非常厚用彈牙！三百幾蚊雖然都唔平，但物有所值！
鐵板原隻龍蝦
$788
3 views
0 likes
0 comments
🦞鐵板原隻龍蝦 $788
同事想食龍蝦，一於捨命陪君子！原隻龍蝦已經起肉切件，好貼心！龍蝦輕輕燒過，焦香提鮮，肉質依然保持鮮嫩彈牙有肉汁，而且仲有唔少膏，甘香十足！加埋蟹籽同少量調味，超級好食！
煙燻五重芝士Pizza
$118
8 views
0 likes
0 comments
🍕煙燻五重芝士Pizza $118
呢個 Pizza 好特別，用一個煲上枱，一打開就聞到陣陣煙薰味！店員話 Pizza 係用櫻花木煙薰過，簿簿嘅餅底少少脆口，唔會硬，5重芝士嘅味道好有層次，加上煙薰味，食落鹹中帶甜，一啲都唔膩！鍾意重芝士嘅朋友一定要試！
鐵板豆腐
$58
4 views
0 likes
0 comments
🫓鐵板豆腐 $58
鐵板豆腐用嘅係外酥內軟嘅普寧豆腐，淋上牛肉汁之後炸炸聲，超香超惹味！
粒粒麵豉青瓜
$58
2 views
0 likes
0 comments
🥒粒粒麵豉青瓜 $58
最後叫咗個粒粒麵豉青瓜清清喉嚨，清爽嘅青瓜配上惹味嘅麵豉，又一送酒佳品！
Post
