Read full review
2022-08-25
375 views
早前放假去到九龍城呢間充滿日本feel嘅古道具精品咖啡店,入到店內有種好寧靜嘅感覺,好似去咗旅行咁,周圍都係打卡位,木製嘅傢俬擺設、手工藝、家品及器皿,全部都好精美❤️走過店鋪,入面就係咖啡店,餐廳會播放柔和音樂,環境氣氛十分舒服,食物標榜vegan,食具同菜式擺設都好有心思Lunch set $158漬物二品:牛蒡:用左醬油、糖醃製,好入味好食蓮藕:用柚子海鹽醃製,酸酸甜甜又爽脆,兩樣都好開胃小皿二品:梅漬蕃茄果物蕃茄自家種植,好新鮮又多汁,用話梅去做個湯汁,食落小小酸甜好清新。脆脆盒子薯仔沙律加上好香濃嘅大啡菇,上面有新鮮嘅百里香,味道豐富好食,唯一可惜嘅係個盒子焗得唔夠脆。豆乳雞白湯烏冬選用稻庭烏夠Q彈,湯底係用雞湯加豆乳一齊煮但味道比較淡。朱古力忌廉夾心包 $50雖然麵包嘅朱古力味唔夠出,但中間焙茶味嘅cream夠香濃軟滑,麵包口感唔似平時嗰啲咁鬆軟,佢係比較紮實少少煙韌,幾特別幾好食。焙茶黑芝麻飲 $60上面嗰啲泡係用新鮮打嘅cream加上焙茶,好棉好滑,下面係日本黑芝麻加豆奶,芝麻味好香,唔會好甜好飲👍總括而言,食物的的骰骰,質素都唔錯,價錢雖然偏貴,但勝在環境舒服,服務員亦
走過店鋪,入面就係咖啡店,餐廳會播放柔和音樂,環境氣氛十分舒服,食物標榜vegan,食具同菜式擺設都好有心思
Lunch set $158
漬物二品:
牛蒡:用左醬油、糖醃製,好入味好食
蓮藕:用柚子海鹽醃製,酸酸甜甜又爽脆,兩樣都好開胃
小皿二品:
梅漬蕃茄果物
蕃茄自家種植,好新鮮又多汁,用話梅去做個湯汁,食落小小酸甜好清新。
脆脆盒子
薯仔沙律加上好香濃嘅大啡菇,上面有新鮮嘅百里香,味道豐富好食,唯一可惜嘅係個盒子焗得唔夠脆。
豆乳雞白湯烏冬
選用稻庭烏夠Q彈,湯底係用雞湯加豆乳一齊煮但味道比較淡。
朱古力忌廉夾心包 $50
雖然麵包嘅朱古力味唔夠出,但中間焙茶味嘅cream夠香濃軟滑,麵包口感唔似平時嗰啲咁鬆軟,佢係比較紮實少少煙韌,幾特別幾好食。
焙茶黑芝麻飲 $60
上面嗰啲泡係用新鮮打嘅cream加上焙茶,好棉好滑,下面係日本黑芝麻加豆奶,芝麻味好香,唔會好甜好飲👍
總括而言,食物的的骰骰,質素都唔錯,價錢雖然偏貴,但勝在環境舒服,服務員亦都好體貼,想黎嘅就要預早book位啦🥰
美味指數🍽:8/10
環境指數📸:8.5/10
整體表現💜:8/10
CP值指數😎:7.5/10
Post