阿里山珍珠奶茶便當 (Closed)

咁岩呢排返工有小小忙，落到去已經一點，成個九龍灣都已經係食飯時間，周圍到到都好多人排隊，天氣咁熱都唔想排隊就去左呢間阿里山食台灣野。雖然平時成日會經過但食都仲係第一次，咁我就叩左個咖哩吉列豬扒飯配桃膠桂花桂圓伯爵紅茶。十分鐘左右就已經整好，返到埋位食個飯都仲係熱。塊豬扒好大塊，亦都好軟不過就冇乜肉味，配菜亦都唔錯。而個野飲就中等，味道唔太突出亦都唔會難飲，算係正常既級數。個咖哩汁係幾好食，有咖哩味但係唔會辣，用黎配豬扒食係一流，可惜個咖哩汁分量唔多但係個豬扒又太大塊，啲咖哩汁可以夠食晒個豬扒但係就唔夠汁去撈埋啲飯。