Video
Read full review
2019-11-23
643 views
慣左每日一杯咖啡 以前貪方便 通常會去連鎖咖啡店而家就不了 所以會周圍去發掘小店朋友介紹九龍灣工業區有間小小嘅咖啡店 主要賣咖啡 bagel同沙律Cafe位於megabox／零碳天地附近 唔算難搵一打開門 入到去已經聞到濃郁嘅咖啡香面積比想像中細 得兩張枱同另外一張長櫈但係店舖裝潢簡約 木系嘅裝飾好溫和 感覺舒服😌而且店員友善有禮貌 會同客人傾計我地叫左lunch set 大約$68包一個bagel／沙律 加杯$35嘅咖啡 可以加錢轉其他點解係黃店❓可以睇返佢哋ig 成日都有參與罷工 而且有表態 立場清晰👍🏻-🥯Chicken & Wasabi Mayo BagelBagel外皮少少脆 入面就比較軟身 口感煙韌有咬口雞係暖暖地 唔鞋口 有幾大塊沙律菜份量慷慨 新鮮爽口唔苦重點係個醬❗️Wasabi味好出 係嗰種辣得黎惹味 食完會唔夠喉嘅感覺 講起都想食翻個🥴-🥯Pastrami Guacamole Bagel因為麻麻地牛油果 所以走左牛油果醬燻牛肉係凍啲 加埋厚厚嘅cream cheese 令成個bagel食落內層好滑無咁乾身-🥯Salmon Bagelcream cheese份量恰到好
慣左每日一杯咖啡 以前貪方便 通常會去連鎖咖啡店
而家就不了 所以會周圍去發掘小店
朋友介紹九龍灣工業區有間小小嘅咖啡店 主要賣咖啡 bagel同沙律
Cafe位於megabox／零碳天地附近 唔算難搵
一打開門 入到去已經聞到濃郁嘅咖啡香
面積比想像中細 得兩張枱同另外一張長櫈
但係店舖裝潢簡約 木系嘅裝飾好溫和 感覺舒服😌
而且店員友善有禮貌 會同客人傾計
我地叫左lunch set 大約$68
包一個bagel／沙律 加杯$35嘅咖啡 可以加錢轉其他
點解係黃店❓可以睇返佢哋ig 成日都有參與罷工 而且有表態 立場清晰👍🏻
-
🥯Chicken & Wasabi Mayo Bagel
Bagel外皮少少脆 入面就比較軟身 口感煙韌有咬口
雞係暖暖地 唔鞋口 有幾大塊
沙律菜份量慷慨 新鮮爽口唔苦
重點係個醬❗️Wasabi味好出 係嗰種辣得黎惹味 食完會唔夠喉嘅感覺 講起都想食翻個🥴
-
🥯Pastrami Guacamole Bagel
因為麻麻地牛油果 所以走左牛油果醬
燻牛肉係凍啲 加埋厚厚嘅cream cheese 令成個bagel食落內層好滑無咁乾身
-
🥯Salmon Bagel
cream cheese份量恰到好處 唔會太膩
而且比起燻牛肉 cream cheese同清新嘅三文魚更夾
好鍾意呢度個bagel 仲可以外賣 有黑芝麻 綠茶 焙茶 芝麻洋蔥味等等
-
☕️Iced Cappuccino (+$7)
好大杯 咖啡味濃厚唔酸 奶好順滑 最好既係佢有oat milk 適合vegan/lactose intolerant嘅人
-
☕️Dirty Latte (+$7)
賣相吸引 同其他咖啡一樣 奶味香濃 同咖啡嘅苦澀平衡得啱啱好
-
其實想去好耐 不過成日好多人 而且早排佢地罷工
lungo咁黃 而且小店經營唔容易 一齊去懲罰佢🤓
Post
