Video
Read full review
2022-01-28
566 views
好多九龍灣嘅街坊都會去呢度飲茶，我都已經食過好多次🤣同酒樓嘅點心比較，呢度嘅點心好食好多，雖然可能貴少少，不過勝在用料足，味道好！全日都唔收加一，一個價錢，點心即叫即蒸，幾乎每一款點心都新鮮好食~🍴雪山叉燒包 $27 (8/10)即叫即焗返，熱辣辣，外脆內軟，包皮好薄，叉燒醬甜甜地，都有叉燒粒，幾好食~ 🍴鮮蝦燒賣皇 $29 (8.5/10)燒賣有好大一隻蝦仁，入邊嘅豬肉係粒粒，唔係絞碎嘅豬肉，加埋冬菇，蝦仁爽口，豬肉調味啱啱好~🍴鮮蝦菜苗餃 $28 (9/10)食壓咗蝦餃，鮮蝦菜苗餃比較清新啲，菜苗係用咗豆苗，唔會太老，蝦仁都好爽口，好大一隻，個皮都算薄，好食！🍴龍蝦湯鮮竹卷 $30 (8/10)個湯好濃，飲得出有鮮味，冇味精，鮮竹卷比較清淡清淡，腐竹好薄，入面有豬肉雲耳，口感好紮實，真材實料。🍴陳村粉蒸排骨 $28 (7.8/10)排骨好滑身，一啲都唔會鞋，調味啱啱好，陳村粉好好食，吸晒排骨嘅精華，好薄好滑。🍴 山竹牛肉球 $25 (7.5/10)山竹牛肉球裏邊有芫荽馬蹄陳皮，雖然有少少鹼水味，但都好彈牙，好大一粒，加埋喼汁，真係冇得輸~🍴鹹魚肉餅飯 $30 (9.5/10)呢度嘅
🍴雪山叉燒包 $27 (8/10)
即叫即焗返，熱辣辣，外脆內軟，包皮好薄，叉燒醬甜甜地，都有叉燒粒，幾好食~
🍴鮮蝦燒賣皇 $29 (8.5/10)
燒賣有好大一隻蝦仁，入邊嘅豬肉係粒粒，唔係絞碎嘅豬肉，加埋冬菇，蝦仁爽口，豬肉調味啱啱好~
🍴鮮蝦菜苗餃 $28 (9/10)
食壓咗蝦餃，鮮蝦菜苗餃比較清新啲，菜苗係用咗豆苗，唔會太老，蝦仁都好爽口，好大一隻，個皮都算薄，好食！
🍴龍蝦湯鮮竹卷 $30 (8/10)
個湯好濃，飲得出有鮮味，冇味精，鮮竹卷比較清淡清淡，腐竹好薄，入面有豬肉雲耳，口感好紮實，真材實料。
🍴陳村粉蒸排骨 $28 (7.8/10)
排骨好滑身，一啲都唔會鞋，調味啱啱好，陳村粉好好食，吸晒排骨嘅精華，好薄好滑。
🍴 山竹牛肉球 $25 (7.5/10)
山竹牛肉球裏邊有芫荽馬蹄陳皮，雖然有少少鹼水味，但都好彈牙，好大一粒，加埋喼汁，真係冇得輸~
🍴鹹魚肉餅飯 $30 (9.5/10)
呢度嘅蒸飯係即叫即蒸，飯係粒粒分明，整得好乾身唔會太濕，鹹魚肉餅真係好好食，雖然鹹魚咸咗啲，但有鹹香味，肉餅食得出鮮味同埋都彈牙，真心好鍾意佢嘅肉餅飯！
推薦指數: 9/10
點心真材實料，價錢都唔算貴，基本上每一樣都唔會中伏，好有心機心思去做好點心嘅平民小店，推薦大家可以試吓~
Post
