多點心

Open Now

Now Closed

有次經過見到覺得競爭咁大既點心生意做到咁耐應該唔錯啦既心態走咗入去堂食入到去企理衛生 餐具都望落乾淨 但平日lunch time去得3圍枱茶介每人$7都唔算好貴但啲點心既價錢同附近酒樓差唔多 有啲仲貴一兩蚊雞💙點心拼盤💙糯米雞💙陳村粉蒸排骨落完單大約等咗15分鐘先有得開食💙點心拼盤燒賣係酒樓質素 幾好食蝦餃 同 菜肉餃一夾既時候 皮肉分離叉燒包唔錯 流沙包真係流心😆馬拉糕普通💙糯米雞一籠兩隻 餡係冇味🫢💙陳村粉蒸排骨上面係蒜茸蒸排骨 超重蒜茸底有啲陳村粉吸哂啲汁 但好滯～趕時間既話就唔食點心會快上菜啲～

作為一家位於香港廣東道的粵菜餐廳，多點心以提供點心和粵菜為主要特色。這家餐廳的口感和用餐環境都表現出色。多點心的招牌菜式是雪山叉燒包，這款叉燒包的口感絕佳，鬆軟的麵皮包裹著充滿叉燒香味的肉餡，吃起來十分美味。蝦餃也很不錯，蝦肉鮮嫩多汁，餛飩皮薄身脆，使用了新鮮的材料，味道更為出色。除了這些招牌菜式之外，多點心的其他菜品也很出色。例如，芝麻糊和燒賣都十分美味，口感鮮美。此外，他們的糯米飯也值得一試，口感十分出眾。不過，美中不足的是，多點心的水準有時候不太穩定。有些菜式表現得更出色，有些則稍微差一些。例如，鹹水角的麵皮有時候會有些硬，肉餡也不夠豐盈。但總的來說，多點心的表現還是比較穩定的，口感和質素都值得一試。而環境其實也比較差。總體而言，我非常推薦多點心這家餐廳。他們的雪山叉燒包和蝦餃都出色，口感鮮美，其他菜式也表現不俗。不過，有些菜式的水準可能不太穩定。如果你是點心和粵菜的愛好者，又不介意環境比較差，建議一定要到多點心一試。

🫖茶芥 $5一位🍴雪山叉燒包 $28 (8/10)有焗返熱，個皮好薄，外脆內軟，叉燒甜甜鹹鹹，唔會硬，幾好食！🍴咖喱牛孖筋 $30 (7/10)牛筋好軟腍，但帶少少口感，咖喱味都幾香，唔會好難，個底有少少薯仔墊底。🍤蒜香蝦春卷 $32 (8/10)春卷即叫即炸個皮好脆，入邊有兩三隻蝦非常彈牙爽口，鹹鹹哋幾好食，點咗喼汁好去膩！🍴鮮蝦菜苗餃 $32 (8.5/10)個皮都好薄好煙韌，入邊有菜苗蝦肉好足料，菜苗好爽口，唔會腍啤啤，蝦肉都好彈牙！🍴韭王鮮蝦腸 $32 (8/10)腸粉好軟滑，厚度適中，入邊嘅蝦肉呢好爽口，又係甜甜地嘅，係呀要買就買啦幾好食！🍴山竹牛肉球 $28 (7/10)牛肉球好大粒，有好多馬蹄同埋芫荽，食落去口感唔會死實，馬蹄好爽口，唔會有鹼水味好重！🍴百花釀魚肚 $35 (8/10)花膠好軟滑，咬落好似棉花咁，蝦肉有蝦味，但比較鬆散。推薦指數: 8/10九龍灣呢間點心舖，基本上每樣嘢都好食，價錢都唔算好貴，好多街坊都話嚟飲茶，私心推薦！家人中午飲茶都好多人記得早少少去攞位！

有 youtube頻道，食店資訊主持人，盛讚此店個例湯好得，4月23日揾食肥華和靚媽，就為飲一碗靚湯而到此店，飲早茶兼食午飯，大約11：2O左右已到此店門前，果然係名氣食店，舖內坐滿九成顧客，肥華，靚媽亦要等咗近廿分鍾，才安排到座位入店內進食，而此店地方淺窄，環境嘈雜，一睇就知不是個嘆茶嘅地方，而食物方面，肥華今日所食到點心及飯品，除咗個春卷及燒賣，叫做食得吓有B-評分外，其他都係C-質素食品，至於個充滿期望嘅例湯，更令人失望到極點，個湯唔熱，味淡如水，俾E-分佢都嫌多，仲有食完呢餐劣食，肥華覺得非常口渴，呢間人氣名店，就算有人請都唔會再嚟👎👎👎👎😤🤬😤🤬😵🤦‍♂️😵🤦‍♂️

來到得寶花園想飲茶，第一時間想到 「多點心」，座位不寬闊，但有啖暖茶就可以了！坐底後侍應問：「飲咩茶？」「普洱唔該！」然後自選點心，掦好就給侍應落單我選了「魚湯鮮竹卷」HK$32.00等左半小時，終於有得食！一望就見到外面的「枝竹」是「硬的」而且夾起上來，兩條鮮竹卷分唔開再夾，都分不開，痴埋一舊再夾。。。再夾。。。再夾。。。終於分開了！拿一條試下先~~~嘩！一放入口，凍既？即刻吐出來跟侍應說，這是凍的，她很不耐煩地說：「妳話凍咪得囉！（邊走邊講）仲要講咁多...」最後等了一個小時（60min）才有得食...比著你，下次還來不來這裡？

自從牛頭角舊區重建活化.到依家新式公屋.已經無咗之前啲舊區人情味.舊區的大排檔小炒.人情味的茶室餐廳.朝早好多公公婆婆爺爺嘅交流問好嘅茶樓.你哋還記得嗎？當時還未有淘大花園.依家嘅淘大花園.就係淘大醬園.醬園內還有汽水廠.當時啲綠寶橙汁.檸柑水.百事可樂.美蓮達汽水.全部由淘大醬園出產.過去你鄰里關懷和事物.過去的美食.美味.開始在我的腦袋中慢慢消失.感嘆！😩今日我的女兒叫我出嚟飲茶.佢人住喺得寶花園附近.約咗我哋喺得寶商場嘅（多點心專門店）飲茶！因為我哋住得遠.嚟到都己經11點多.呢間食店超多人.好彩有女兒囉定位.如果唔係有排等.因為啲人開始午飯嗱！原來呢間食店坐落有啲似以前嘅舊區茶樓.有好多街坊熟客仔.有好多嚟到都同隔離左右食客打招呼及彼此交流.給我有少少回到舊區的感覺！我哋一行四個人.點餐如下： 1. 蝦餃王 X1 $30元 2. 山竹牛肉球 X1 $26元 3. 雪山叉燒飽 X1 $27元 4. 蒸鳳爪 X1 $25元 5. 糯米雞 X1 $30元 6. 胡椒蒸豬肚 X1 $28元 7. 澳洲金錢肚 X1 $30元 8. 潮洲粉果 X1 $21元 9. 蜜汁叉燒腸 X1 $30

2022-05-08好耐無同女朋友飲早茶了😙去咗九龍灣多點心☺️當日都幾爆場下😚好彩靚姐話仲有張細枱俾我哋😉望下個餐牌都好多選擇🤩價錢仲幾平下🤪大部分點心都係三十蚊左右樓下🤓我瘋狂叫埋單都係兩百頭🥰我叫個幾樣點心味道正常🥸但奶黃煎堆仔真係強烈推介👍🏻外面酒樓煎堆炸定到食個時都林唒🥲依間多點心就即炸，食個時仲要出唒煙，流唒心D奶黃，你睇吓隻碗，一滴，兩滴，三滴，成隻碗都係奶黃精華😘整體環境一般，但服務同食物都幾好☺️#多點心 #燒賣 #蝦餃#蒸鳳爪#藥膳雞腳 #鳳爪排骨飯#奶黃煎堆仔 #韭黃蝦腸粉

午餐打算叫外賣番屋企食，落呵打時又唔講要等，叫完係外面等左四個字，入去問佢話好快得，等多兩個字再問，又係話好快得，點知最後等左九個字先有，後尾佢先講個雪山叉燒包啱啱賣晒，要整過籠新所以咁耐戇居居喺門口等咗九個字勁嬲拎上樓個雪山叉燒包仲要唔算好熱，心諗係咪食緊慢蒸點心利申：拎番去路程只係五分鐘左右。所謂啱啱賣晒都唔知係咪真，兩點幾去買，應該過左人流高峰時間啦！等到差唔多變下午茶好得閒的人可以去食既，我就冇咁多時間，附近又有咁多其他選擇，唔會再食

唔想食正餐，唔食又會餓，咁就食下點心啦~餐廳環境簡單，雖然話冇咩裝潢，但都叫得清雅。老闆好熱心，見到客人坐個位會對住冷氣，叫人坐過隔離枱。因為人客唔多，所以上菜都以快。叉燒腸粉 HKD 30叉燒唔肥，大大塊，腸粉軟滑，不過內有芫茜，唔食嘅朋友可能要挑出嚟。呢到嘅豉油係自己煮過嘅，配埋味道唔錯。 南翔小籠包 HKD 25小籠包即上就要即食，呢到嘅小籠包皮睇落好似好厚咁，但食落又唔會，用筷子夾起唔易爛或穿 。入面嘅湯汁鮮甜多，先啜湯汁，再點紅醋食，正！👍陳村粉排骨 HKD28排骨有蒜蓉嘅香味增香，有咩肥膏，加上佢哋嘅特製豉油提味，味道都唔差，係陳村粉比較碎同一塊塊，同埋油比較多。奶黃煎堆仔 HKD=26黑白芝麻增香，煎堆酥脆，入面奶黃味濃郁香甜，正！👍點心拼盤 HKD 73蝦餃： 皮薄，餡食到有蝦粒而且多汁，唔錯鮮蝦菜苗餃：菜餡新鮮，唔會話有好多粉，加埋蝦粒，推薦！👍鮮蝦燒賣：蝦味唔重，豬肉味會比較濃，加上冬菇增鮮，食返兒時味道。馬拉糕：椰香味濃郁，淡淡嘅蜜糖甜味，口感鬆軟不甜膩。👍奶黃包及叉燒包：正正常常點心款式唔算特別多，都係啲基本大圍會食嘅嘢。價錢唔叫特別平，但總合材料同味道，

好多九龍灣嘅街坊都會去呢度飲茶，我都已經食過好多次🤣同酒樓嘅點心比較，呢度嘅點心好食好多，雖然可能貴少少，不過勝在用料足，味道好！全日都唔收加一，一個價錢，點心即叫即蒸，幾乎每一款點心都新鮮好食~🍴雪山叉燒包 $27 (8/10)即叫即焗返，熱辣辣，外脆內軟，包皮好薄，叉燒醬甜甜地，都有叉燒粒，幾好食~ 🍴鮮蝦燒賣皇 $29 (8.5/10)燒賣有好大一隻蝦仁，入邊嘅豬肉係粒粒，唔係絞碎嘅豬肉，加埋冬菇，蝦仁爽口，豬肉調味啱啱好~🍴鮮蝦菜苗餃 $28 (9/10)食壓咗蝦餃，鮮蝦菜苗餃比較清新啲，菜苗係用咗豆苗，唔會太老，蝦仁都好爽口，好大一隻，個皮都算薄，好食！🍴龍蝦湯鮮竹卷 $30 (8/10)個湯好濃，飲得出有鮮味，冇味精，鮮竹卷比較清淡清淡，腐竹好薄，入面有豬肉雲耳，口感好紮實，真材實料。🍴陳村粉蒸排骨 $28 (7.8/10)排骨好滑身，一啲都唔會鞋，調味啱啱好，陳村粉好好食，吸晒排骨嘅精華，好薄好滑。🍴 山竹牛肉球 $25 (7.5/10)山竹牛肉球裏邊有芫荽馬蹄陳皮，雖然有少少鹼水味，但都好彈牙，好大一粒，加埋喼汁，真係冇得輸~🍴鹹魚肉餅飯 $30 (9.5/10)呢度嘅

返屋企探老人家諗住買啲精緻啲嘅點心俾佢食。上網看見這間食評很正面，於是便揀了5款點心，有點心拼盤，雪山义燒包，牛肉腸，陳村粉蒸排骨，和煎埋仔。可能佢話要等約30分鐘才有得拎，拎完外賣返到屋企已經凍哂。仲有我見點心併盤乜都有啲先至叫，其實一啲都唔抵食，加左兩蚊不特止，佢仲衰到舢舨充砲艇，唔見兩粒鵪鶉蛋燒賣，搵个普通义燒包和奶黃包充當便算，價錢都唔同啦！果碟牛肉腸，粉皮仲厚過我面皮，牛肉又少得可憐，真係冇下次。

重點講吓今日所吃跟平日去茶樓飲茶所吃的分別：食物：（整體調味不會太鹹、不會一大劈粉漿、包餃腸粉的皮質感極佳）1. 小籠包：皮薄，軟硬適中，筷子壓下去不黏粉，輕輕拉扯不破皮，裏面肉汁豐富。記住等等攤涼一點整個一口吃，如果因為太熱而「篤穿」或咬開來吃就真是失真了2. 牛肉球：結實彈牙、沒有濃濃鹼水味、咬開可以見到裏邊的肉纖維、有爽口的馬蹄粒、好像沒有大粒肥豬膏3. 雪山叉燒包：頂部酥脆底下鬆軟，裏面的餡有一粒粒叉燒、沒有一大劈癡立立的粉4. 奶黃流沙煎堆仔：非常酥脆非常流沙蛋黃香味很濃5. 香茜牛肉腸粉：腸粉皮質感很好，吃時筷子完全不會黏上皮的殘留，腸粉皮很嫩滑，但却不易破皮6. 馬拉糕：黑糖味濃郁，味道不會太甜、質地軟綿但乾爽7. 糯米雞：中間不會有一劈醬，每粒糯米飯都軟面Q彈，但卻粒粒獨立完整可以用筷子單獨夾起，（飯粒不會糊成一劈），這點我實在佩服，調味皆就不用說了因為這是基本。以上提到的，有些收費更貴的茶樓也做不到。

.九龍灣食點心既地方來來唔係稻香、海港、客家好棧、金閣呢d酒樓，試過咁多間只有稻香叫好d。今次搵到原來得寶商場有間平民點心店，就試一試，無論服務定食物都好過酒樓好多！1. 雪山叉燒包 3件 HKD272. 名醬蒸鳳爪 HKD253. 百花釀魚肚 HKD304. 金山瑤柱咸肉粽 HKD555. 韭黃鮮蝦腸 HKD29.味道 ★ ★ ★ ★ ☆ 雪山叉燒包並唔係到到都有，我梗係即叫啦，熱辣辣上碟，最中意雪山層皮，再加入面好豐富叉燒饀料，調味適中，唔咸，好好食👍🏼👍🏼👍🏼蒸鳳爪又係份量好足又好食，佢d點心調味好好，唔會似酒樓個d過咸！百花釀魚肚呢d點心又係少見，只有傳統酒樓先有，今次突然想食，又係冇失望，足料好食！韭黃鮮蝦腸好大份，蝦又大粒，新鮮冇雪藏味仲爽口既，只係嫌佢韭黃味略冇左，佢仲配上自家製辣椒油，勁好食！似少少XO辣油👍🏼因為就到端午節，所以叫左個粽，好有媽媽細個包比我食d粽咁咁好食！有住家味道！入面有咸蛋黃、肥豬肉、瑤柱等等餡料👍🏼.服務 ★ ★ ★ ★ ☆d阿姐好有禮貌，店內人手充足👍🏼.環境 ★ ★ ★ ★ ☆唔似酒樓feel，但地方大，有梳化座，坐得仲舒服過酒樓，連餐具杯碟

全港最好食嘅雪山叉燒包，雪山叉燒包比百樂門更好食，仲有生蒸牛肉球，夠嫩滑overall 點心質素幾好，呢間位置較為隱蔽，但假期生意都唔錯，坐位好似茶餐廳，張檯放唔到太多嘢，坐落冇一般酒樓感好坐。

呢間開係德寶嘅點心專門店係我地成日會幫襯既🤗因為真係好有水準又唔貴🥢牛肉腸粉：皮厚但滑，鐘意食白腸粉既人會鐘意，牛肉加左芫荽同馬蹄，唔係爆多，但好味✨記得問佢拎辣油（係好味既xo醬）🥢魚湯鮮竹卷：呢個真係多料，算係茶樓中既清淡之選（但唔係冇味）個魚湯好味🥢鳳爪：好入味，比出面一般食到既好味😍佢個底係有幾條烏冬👍🏻掛汁好正🥢奶黃煎堆👍🏻👍🏻大推，好流沙，外皮好脆食落又唔油，奶黃會食到一粒粒既鹹蛋黃，正最岩食完其他之後做甜品（怕會凍左可以之後先加單）🥢菜苗餃：又係一個點辣油勁好食嘅餃🤣正另外仲有佢最出名既流沙奶黃包 同 雪山叉燒包👍🏻之前食過同樣出色 但由於今次我地2個都真係好飽 所以就冇叫啦間店算大，坐得舒服，通常都唔洗點等位，而且亦都唔會有人催你埋單，亦冇加一，如果你係熟客，d店員仲會記得你飲開咩茶，係一間好有人情味嘅茶樓。