七月餐室 (Closed)

今晚同朋友去九龍灣揾食，响OpenRice 見到食評話d野食都吾錯，咁就去試吓，叫咗3個餸（七月小炒皇， 黑椒茄子牛仔骨煲， 蜜桃咕嚕百花球， 凍檸檬茶）。一坐低就畀咗兩碗例湯（煲老黃瓜）我哋先， 我覺得碗湯甜到一個點， 好似落咗糖咁， 唔似平時煲湯嗰種甜味， 唔係咁啱我口味。（七月小炒皇） 配料有 土魷， 蝦米， 蝦球， 腰果， 白飯魚乾， 花生粒， 韭菜花， 我覺得唔係好夠鑊氣 。（ 黑椒茄子牛仔骨煲）， 牛仔骨一食落去就有一陣美極醬油味 ， 肉質都鬆軟， 茄子都淋滑， 裏面嘅蒜子入口即溶， 但係就唔係好覺有黑椒味 ，但我覺得啲一個餸係最好味嘅👍🏻（ 蜜桃咕嚕百花球）百花球食落好似魚蛋咁，又冇炸過， 芡汁太多， 我個人就覺得唔合格啦。（白飯） 飯食得出d米係靚嘅。（ 凍檸檬茶） 由於我叫咗走甜， 我覺得茶味有少少澀口。