Video
Read full review
2019-12-23
3254 views
時代變遷帶來城市重新規劃，周遭嘅食肆都會相應改變/遷就。以九龍灣為例，以前係工廠大廈林立嘅工廠區，食肆大多係廉價食堂，快餐店。廿幾年過去，而家嘅九龍灣已經成為新進嘅甲級商廈區，食肆為提高服務質素俾各大老闆，都由食堂變身高級餐廳。而講開高級食肆，點可以唔提高銀國際金融中心呢！响高銀入面嘅食肆，間間都貴價高級，今日就嚟試吓入面嘅中菜廳 - 皇御園。皇御園主打高檔中菜，店內寬敞舒適，佈置優雅，環境清靜，非常適合商務應酬。相對於我哋今次嚟食冬至飯，柴娃娃一班人其實唔多夾 因為價格堅離地嘅關係，我哋只係揀咗簡單嘅點心，同幾個炒粉麵試吓！想食佢嘅名菜，唯有等下次喇！🤣所有點心，即叫即整，絕大部份都係熱辣辣嘅蝦餃皮薄、餡鮮、蝦肉彈牙，合格有餘燒賣外皮加咗菠菜汁，色澤鮮艷增進食慾，餡料新鮮有肉汁，蟹黃提味剛剛好叉燒腸粉上枱暖暖地，叉燒餡一般，腸粉皮薄得通透，但米漿冇咩味，而且唔彈牙，口感好削。帶子腸粉腸粉皮同樣係軟弱無力，配以俾人碎屍萬段嘅帶子殘肢，更顯得無靈魂無味道 。唯一有味道嘅係超濃郁嘅豆豉汁，食完只留低滿滿嘅違和感同一堆問號？🤔 豉油蒸排骨排骨係新鮮豬肉，入口鮮嫰有肉汁，底下有南瓜墊底，香甜之
皇御園主打高檔中菜，店內寬敞舒適，佈置優雅，環境清靜，非常適合商務應酬。相對於我哋今次嚟食冬至飯，柴娃娃一班人其實唔多夾
因為價格堅離地嘅關係，我哋只係揀咗簡單嘅點心，同幾個炒粉麵試吓！想食佢嘅名菜，唯有等下次喇！🤣
所有點心，即叫即整，絕大部份都係熱辣辣嘅
蝦餃皮薄、餡鮮、蝦肉彈牙，合格有餘
燒賣外皮加咗菠菜汁，色澤鮮艷增進食慾，餡料新鮮有肉汁，蟹黃提味剛剛好
叉燒腸粉上枱暖暖地，叉燒餡一般，腸粉皮薄得通透，但米漿冇咩味，而且唔彈牙，口感好削。
帶子腸粉腸粉皮同樣係軟弱無力，配以俾人碎屍萬段嘅帶子殘肢，更顯得無靈魂無味道 。唯一有味道嘅係超濃郁嘅豆豉汁，食完只留低滿滿嘅違和感同一堆問號？🤔
豉油蒸排骨排骨係新鮮豬肉，入口鮮嫰有肉汁，底下有南瓜墊底，香甜之餘仲吸飽肉汁
傳統叉燒包同一般酒樓叉燒包差唔多，唔驚喜亦唔失望。
竹炭叉燒包即坊間嘅「雪山叉燒包」，頂層係用牛油砂糖做嘅墨西哥皮，熱辣辣脆卜卜又甜甜地，非常討好。叉燒包包皮又香又軟，叉燒餡做到爆汁，水準之作
手拉麵原本對佢有少少期待，最終又失望而回。手拉麵麵質偏硬，入口唔多彈牙，似陽春麵多啲。湯底淡而冇味，配料又少得可憐，建議加XO醬同食。
海鮮泡飯海鮮湯底味道濃郁，飯粒有炸過成脆米，配以熱湯泡一泡，泡飯脆卜卜口感豐富
炒米粉幼米粉口感似粉絲，配以雞蛋銀芽，口感清爽。
皇御園俾我嘅感覺係…… 御膳房嘅出品即使普通菜式，一走入皇宮就升價十倍！佢適合商務應酬多於團體聚餐，今日我哋誤闖了
Post
