大阪王將 (Closed)

九龍灣搵食記， 耐耐冇行九龍灣，估唔到九龍灣開咗新嘅餃子鋪，咁耐冇去日本，喺香港試下搵番日本嘅味道。第一樣 海苔炸餃子， 餃子炸得外表香脆可口，但係完全不油膩，裏面嘅海苔加埋啲肉，仲充滿肉汁，淨係呢樣已經值得加分。再黎明太子吉列蠔， 吉列蠔一樣係香脆可口，又唔會太乾身，咬落去仲有啲濕潤，不過最欣賞嘅係個沙律醬入面加咗啲明太子，食落去口感更加複雜同有趣。自家製辣肉醬海鮮拉麵，拉麵都係其中一樣去日本必食嘅嘢，拉麵就普通貨色，不過佢個自家製辣肉醬真係做得唔錯，食到喺出面食唔到嘅味道，自家製果然係有自家嘅獨特配方。最後咖哩吉列豬扒手鍋， 追加餃子， 豬扒飯，日本獨特嘅甜咖哩一樣喺度食得番，再配埋脆卜卜嘅吉列豬扒，真係冇得輸，但係食咁少嘢邊夠飽，佢仲有得追加餃子真係好吸引，性價比極高。