鳴門割烹料理 (Closed)

今次周末去開九龍灣mega box附近，比我發現到依間日式半自助放題店《鳴門割烹料理》。每逢週末嘅時候都會提供90分鐘半自助放題。餐廳設計好開揚，中間係廚師處理刺身嘅地方，上面掛住兩個正方形嘅黃紫色大燈。首先會主選一款日式主食，我就揀左三色丼同埋帆立貝吞拿魚蓉丼。主食份量唔係好多，因為專登留番個肚食放題。兩款都有海膽膽埋吞拿魚蓉，橙黃色嘅海膽好甜，吞拿魚蓉就好綿密。之後就到咗放題嘅時間：沙律就試左角切魚生沙律，魚生沙律新鮮又好食。刺身就試左三文魚、油甘魚、帆立貝、熟北寄貝、赤蝦。三文魚厚切好肥美、帆立貝好鮮甜，熟北寄貝就好爽口。依家午市仲會送埋磯煮鮑魚，廚師已經預先清理好晒內臟，肉質鮮嫩彈牙。燒物就試左鹽燒鯖魚、雞翼、免治雞肉棒、燒明太子玉子、鹽燒三文魚頭。鯖魚燒到魚皮香脆，內層魚肉仲係鮮嫩多汁。免治雞肉棒口感軟綿味道又濃郁。好少地方可以食到三文魚頭，依個部位嘅魚肉特別鮮嫩。炸物就試左吉列蠔、芝麻雞翼、雞軟骨粒、吉列迷你紫薯餅。吉列蠔內裡一啲都唔會乾，仲好多汁。芝麻雞翼炸到好香脆，肉質仲係鮮嫩。雞軟骨粒粒都好脆身，口感特別。紫薯餅內餡嘅紫薯好綿密。飲品就試左佢哋嘅特飲巨蜂乳酸特飲同埋白